ضايقه فيني الوسيعه ادخلوا تكفون ؟

اهلين بنات انا ولله اكتب واشوف الدنيا سودا ومن الحين الي عندها رد زين ترد والا لاتكلف على نفسها ترا ما نقصت الضيقه الي فيني بسبب زوجي ما يحس اي شي تجاهي ولله يابنات اني اهتم بنفسي ماخليت شي حتى الناس كل من شافني يقول متغيره ماشاءالله وهو ماجاب خبري مايقرب مني يابنات كني اخته مغير يجلس معي يسولف يجيب اغراض للبيت زي كذا كني وحده من اهله لكن يلمسني انسو مدري وش هذا الي فيه تهاوشت معه كم مره مافيه فايده البس اشخص كني عروس لاحياة لمن تنادي ولله اني اصلي وادعيله دايم بالهدايه والتسخير وجبت منه عيال بنات والحين يقول احملي وش احمل انا خبله احمل من واحد يعاملني زي كذا الين متى يكفي الي جاني وما خلص ولاعنده استعداد يكلف عمره يقرب مني يلمسني يقولي كلمه حلوه قسم بالله ما اذكر اخر مره قالي كلمه زينه المشكله يابنات مايقصر من ناحيه بيته وعياله ماشاءالله عليه بس عنده النقطه هذي حاولت انا اقرب منه يصدني ويسبني بكلمه اقعد اسبوع ما اشوف قدامي من ضيقة الصدر رحت للدكتوره النسائيه قلت يمكن شي نسائي واكشفت علي وجلست تهاوشني لاني قلت كاني محتاجه شي ابسويه قسم بالله عصبت تقول مافيك الا العافيه يالله بالطقاق عطتني غسول طيب وش اسوي معه علموني الحين احس اني حاقده صرت ما اقرب منه وابعد وبالفراش كلن له لحافه مايبي يتلحف معي كل واحد بجهه سويت رومانسيات العاب كل شي مافيه فايده شريت قمصان نوم ارقى الماركات اعتنيت بوزني ببشرتي لاحياة لمن تنادي دعيت استغفرت كل شي سويته وش مشكلته علموني ؟