ضايقه فيني الوسيعه ,,هل انا غلطت بسؤالي يابنات ,,

السلام عليكم
كيف حالكم ياصبايا ان شاللهانكم بخير

حبيت افضفض لكم شوي ضايقه فيني الوسيعه ومالقيت بعد الله سبحانه وتعالى الا انتم اشكيليكم

انا متزوجه صارلي كم شهر طبعا زوجــــه ثانـــيه ومعي طفلين من الاول وعايشين معي

امس صار موقف بيني وبين زوجي وحز بخاطري مررره
كنا بالسياره طالعين ونسوولف وجبنا طاري واحد متزوج ثنتين وانه حن للاولى وكذا
فانا على الطاري بمزح كذا سألت زوجي ,,:: قلتله صحيح الرجل بعد مايتزوج الثانيه يحس بقيمه الأولى..؟؟
ادري اني غلطت لما سالته بس قلتها بعفويه بس الي ضايقني هو تصرفه
مارضي يجاوووب اببددددد
قالي مالك حق تسالين هالسؤال وكذا عاد هنا انا عصبت
قلتله لي حق ولازم تجاوبني صدقني ماراح ازعل بس قووول
قال مستحيل مارح اجاوب وماعجبني السؤال ومدري وش

المهم عدى الموضوع وسكرناه ومشيتها بس اليوم الصباح واحنا نايمين تذكرت الموقف وحسيت بغصه بصدري
الي صايقني ليــــــــش مايبغى يجاوب اكيد انه ايه وينطبق عليه اكيد حس بقيمه حرمته ويحبها اكثر مني
مع اني متاكده تماما من حبه لي وتعلقه فيني بشكل كبير
ولكن تدرون الغيره وماتسوي

المهم بعدها لما اتضايقت رجعت قلتله لايكون ضايقك سؤالي امس انا مو يقصدي شي
وادري بغلاتي عندك ومتاكده من هالشي وانتهينا مافتحنا السيره
بس احس الحين يوم راح عندها رجعتلي نفس الفكره :(
وللمعلوميه بس انا وزوحته الاولى مثل السمن على العسل ولله الحمد
متفاهمين ونزور بعض ونراعي مشاعر بعض لما يكون متواجد بينا كل وحده ماتحاول تثير غيره الثانيه
وهو زوجي عادل مرره ويخاف ربه



بس مجرد فضفضه واي وحده تقدر تريحني بكلام ماتقصر ضايقه فيني مره يابنات:(
واي وحده بتزيد همي هم وتلومني لاني الزوجه الثانيه ارجوكم مو ناقصه ابد النفسيه رايحه فيها