ضايقه وأبي منكم الفزعه

هلا بالطش والّرش والبيض المفقّش !

رغم إن هذا الترحيب مو مناسب للعنوان لكن
لأنها مشاركتي الأولى ........

السالفه وما فيها عندي بنت عم أخلاق وطيبه ونبل يعني ماشاء الله
لا وزوجها مطوّع وأطيب منها أخلاق وهداوه وشايلها عن الأرض
يعني يادهينه لا تنكبين .. وهي إن الله حق تستاهل .. هم مضرب المثل
بالحياه المثاليه .. جابت منه بنت عمرها الحين ثلاث سنين وتوها جايبه
ولد من شهرين .. وش هديتها عقب الولاده !


هاه









قولو







طيب توقعو
















هديتها






















زوجه ثانيه:06:






طبعاً ما راح تصدقون قال لها بتزوّج لا وأزيدكم من الشعر بيت مصريه وبكر
يقول هي ملتزمه وداعيه .. ترى كل أصدقائه متزوجينعلى حريمهم مصريات
وأكيد هم اللي وازينه يتزوج .. أقاربه حاولو يكلمونه مافيه فايده و خواته
قالو له عطنا ورقة طلاقها لأنك ما تستاهلها قال أنا ماتكفيني وحده واللي
تتدخل راح أخلي زوجها يتزوّج عليها هذا الطيّب الهادي ... المهم حنا
قلنالها إدعي مو عليه لا إدعي إن ربي يصرفه عنها ويصرفها عنه
قالت مرت عمي لا أنا سمعت إنه مايجوز تدعي كذا لأن هذا حلال
معقول هل الكلام ! هو للحين ماتزوج علشان تدعي تقول الله لا يوفقهم
لا عندها فرصه تدعي إنه مايتم ...... قلبها محروق وطلعت عند أهلها:44:
أنا ودي أقول لها ترجع بيتها وش رايكم .. وش الحل