حبيبتي الحين ما ينفع الحزن على زواج اختك... بالعكس انبسطي و خلك طبيعيه ... لانه مكتوب لاختك ،، لو اهلك بيدهم توزيع الارظاق كان نقول ،، لكن اهلك ما بيدهم منع رزقك هم مجرد وسيله

الحين تبين التوفيق خلاص بري امك .... هي الباب الوحيد للجنه المفتوح لك بعد وفاه الوالد الله يرحمه .... و مشكلتك الرئيسيه معها خلاص لازم تحلينها اجل شلون تبين الامور تتغير ونتي ما تغيرتي ولا 1% .؟؟\

خلاص ابدأي فيها حاولي تغصبي ... و اقعدي معها ... و سوي لها الي تحب .....

لا نامت روحي سوي خلطات و قهوه ومخمخي عليها و ادخلي حواء و اكتبي خلطات واستفيدي .... و عطي طاقتك لولدك و نامي بدري عشان أسوأ وقت للهواجس هو الليل

و نصيحتي و اهمممم نصيحه : قدمي على مدرسه اهليه يكون فيها حضانة لعيال المعلمات ...،، و يصير ولدك قدام عينك

شوفي مدارس الرواد بمخرج 9 فيها كذا ..،، هذا لو انتي بالرياض طبعا

نصيحه نصيحه الوظيفه لو براتب 3 الاف بتكون مفيده جدا لوضعك و تنتشلك من الوضع الي غرقتي فيه

تعلمي كيف تسيطرين على مشاعرك وانفعالاتك من خلال البرمجة اللغوية العصبية

حددي الشيء الي مضايقك أيش هو؟ زواج أختك الكل سعيد لها وأنتي حزينة معقول الكل على خطأ وظالم وأنتي الوحيدة والحدث حزين جدا لك وأنتي بحاجة لمواساة
لا عزيزتي أنتي سعيدة لأن أختك وأهلك كلهم سعداء ولازم تكوني سعيدة وش بتستفيدي اذا حزنتي؟
الحزن يجلب لك القهر والكبت والألم والإكتئاب وشوي شوي المصحة النفسية

لكن اذا تقبلتي أنك لازم تبرمجي نفسك من اليوم وسائر على مبدأ أكون سعيدة بالموجود بحياتي
بحياتي طفل محتاج لي كأم للإهتمامي وعطفي وغيري محروم من الذرية وهذا أكبر نعمة
بحياتي أهل يحبوني ويموتون علي ولا تتوقعين أي وحدة من الي شاركوا هنا بالمنتدى أحن وأحب عليك من أهلك أهلك وبس شفتي الزواج وجربتيه المرأة مالها إلا أهلها بالدنيا يروح ألف زوج وبيت الأهل والأهل معاك طول العمر

لازم تفكري بالأشياء السعيدة أبعدي عن الحزن ماراح يفيدك
فكري وش الفستان لي بتلبسيه وبتكوني مميزة وأنيقة ومضرب حديث البنات والحريم بالحفلة
فكري كيف تردي رد مناسب على أهلك اذا تعذروا أنك مطلقة ومعك ولد ذكريهم أن هذا نصيب وقضاء وقدر أنتوا ترزقون أو الله يرزق والطلاق مش عيب نساء الرسول مطلقات بعضهن وبنات الرسول رقية وأم كلثوم كن مطلقات بعد دعوة النبي قبل ما يتزوجهن عثمان رضي الله عنه برزي الجانب الديني لهم وبيخجلون يعايروك مرة ثانية

وفكري مرة ومرتين وليوم القيامة كذاب الي يقول يحبك أو يتعاطف معك أهلك محد يحبك بالدنيا كثرهم

وأشغلي نفسك ولا تفكري بس بموضوع واحد الزواج هو أساس حياتك لا المرأة يا تتزوج يا تتعس نفسها وتتعس الي معاها وتعب نفسها معاهم

كوني سعيدة وراضية بدون زواج لأن الزواج مجرد إضافة وهالإضافة مش شرط تكون صحية لك ولنفسيتك الصحة تبدأ من نفسك

بشري كيف نفسيتك في ملكة اختك يارب ممتازة نفسيتك ومرتاحه
واختك ان شاء الله مبسوطه ربي يسعدها ويرزقك

بالعكس انا مبسوطه لها لاتفكرون للمليون اني حاسدتها بالعكس ولكن انا انكر فعل اهلي لي انا شخصيا مالي دخل بأختي
اهلي وهم يعرفون زين من الناس قالوا لهم
ليه تردون خطاب عن بنتكم قصدهم انا وكل الناس تعرف ان مافيه احد يقوم ويخلص شغله بالبيت زيي اختي الله يهديها ترجع من الدوام تصكها نوم للمغرب وتقوم تنزل نص ساعه وتطلع ما اشوفها الا اليوم الثاني
معليش ترى انا بعد لي وقتي لي حياتي بس اعرف لو احبس نفسي زيها واقول حريقه الايبي يشتغل يشتغل بس انا عندي مسؤليات غير اهلي ولدي له نصيب والشغل واخر شي يتصلون ناااس وتقول امي مايبونك لان عندك ولد
والمشكله جارتنا تقولي والله كثير يبونك بس اهلك الله يهديهم
افهموووووووني لاتفسرون الكلام ع كيفكم ارجوكم


لاإله الا الله محمد رسول الله

وبعدين ياخواتي اللي لاتفكرين بالزواج والزواج موب اساس
الا اساس حبيبتي لما تشوفين خواتك متزوجات وهم يطلعون ويتمشون واسواق وسفريات وعيالهم وانتي وولدك محبوسين بالبيت وبيت ضيق وامك تنام بعد صلاة العشاء والليل كله لوحدك انتي وولدك


لاإله الا الله محمد رسول الله