هدية للجميع
http://www.4shared.com/file/38454355...53/_online.htm
بنات راح ابداء الموضوع على طول بدون مقدمات
من زمان وانا ودي اكتب هالموضوع لاني اشووووف كثير بنات نفسياتهم تعبانه جداااااا من مسالة تاخر الحمل
اولا : احنا نسينا شيئ مهم جداااا
عااارفه وش هو (( التوكل على الله )) سمعتي هالكلمه كثير لكن عرفتي معناها
لا والله كثير منا ماعرف معناه ولا عرف كيف يطبق التوكل
حبيبتي التوكل يعني توكلين امرك كله لربك من دون ماتشيلين بنفسك هم
تخيلي معي راح اضرب لك مثال
تخيلي انك عندك معامله بدائره حكوميه مثلا او عندك اوراق كثيره
تبين تخلصينهم ضروري جداااااا والدوائر زحمه وانتي مانتي لاقيه مكان والجو حار وضجيج حولك وجسمك مرهق جدااا وانتي بها الضروووف لقيتي واحده او واحد له مكانته المرموقه وبيده يمشي المعاملات او يوقفها ويعرفك
اخذ اوراقك ووعدك باذن الله انه راح ينهيها باسرع وقت ممكن وانه اعتبري اوراقك منتهيه
في هاللحظات وش راح تحسين فيه ؟؟؟
راح ترتاحين وتنسين اصلن ان لك اوراق في ذا المكان صح
فكيف اذا كان اللي تتعاملين معه رب العالمين سبحانه جل جلاله وعظم اسمه وتسبيحه
الكريم اللذي لايرد احد
اللي يتنزل لسماء الدنيا كل ليله تخيلي كل ليله يلبي حاجات عباده
كيف غفلنا عن هالوقت الوقت اللي يمكن اذا استغلينها راح ننهي عنا سنين من اعمارنا
ربنا سبحانه مااراح يردنا ابدااااااا والله مايردنا ان طلبناه من قلوبنا
وهنا ندخل بمساله الدعاء اي الدعاء ادعي ربك اشكيله بدل ماتشكين لنا هنا احنا مثلك ضعيفات مانملك حول ولاقوه ابدااااا والله
مانملك لك حول ولاقوه ربك سبحانه هو اللي يملك يملك يملئ بيتك اطفال يملك يحبب زوجك فيك يملك يرزقك من واسع فضله من مال وعيش هنيئا وغيره من النعم
حبيبتي عودي نفسك ماتشكين لاحد من حولك قدر استطاعتك كل ماحسيتي نفسك متضايقه
افرشي سجادتك وانطرحي بين يدين ربك سبحانه ابكي اشكيله ابكي وابكي طلعي كل اللي بقلبك خليك مثل الطفل والله راااح تحسين براااحه جداااا عجيبه من غير الفرج اللي راح يفرجه لك رب العالمين من غير الخير اللي راح تلاقينه منه سحانه
شاااااايفه امك اي امك الحنونه اللي لو تشوف عيونك متغيره او حتى فيك خدش سيط فز قلبها عليك شايفتها
ربي سبحانه ارحم منه اي والله ارحم منه
في كل الاحوال مالك من الفرج الا من رب سبحانه
ثانيا : التفائل
اي التفائل ليش احنا معطلين مصالحنا وحياتنا وعااايشين بعذاب علشان اي ايش علشان الاطفال ؟؟؟
وبعدين اذا ماكتب ربي لك اطفال راح تعيشين حياتك بعذاب الي ان تموتين الحياة والله جميله والله جميله لكن لمين جميله جميله للي يحليه بعيونه وجداااا سيئه للي يسودها بعيونه
وبعدين ياحبيبتي الاطفال مو كل شيئ بالدنيا والله مو كل شيئ بالدنيا عيش حياتك بكل مراحلها عيشيها بكل لحظاتها بكل روووعاتها تدرين كثير من الناس وصلو خمس سنوات والى الان مافكروووو بالاطفال لسى يبون يستمتعون بحياتهم ويتمتعون بشبابهم وبعدين ربك مااختار لك الا الاصلح لك
يعني مثل لو رزقك ربي بالاطفال بهالوقت راح يكون مثل فيهم تشوهات او فيهم خلل ذهني او عقلي علشان كذا اخرك وكل تاخيره فيها خيره
ويمكن ربي لو رزقك الذريه بهالوقت راح يتعبونك وتكون حياتك شقاء معهم تلاحقين فيهم بالشوارع ضايعين عاقين مافكرو ببرك او التودد لك وعلشان كذا ماعطاك بذا الوقت واخرك وكل تاخيره فيها خيره
انتي وش تحبين ؟؟؟ يكون لك اطفال ولاتذوقين برهم ويتعبونك بحياتك وتعيشين بقية حياتك شقاء
او تصبرين الين ربي يرزقك الذريه الصالحه الباره اللي فيها خيره لك ولزوجك
نصيحه مني اسعدي نفسك وعيشي حياتك ومتعي زوجك وعيشي معها افضل اللحظات لان ماتدرين يمكن لو ربي رزقك ابناء راح تتمنين ترجعين للحظات هذي وتعيشينها بصفاوتها وحلاوتها
بسالك سؤال ...
اللحين اللي بمجتمعك اللي متزوجين وعندهم ابناء غالبا اذا حبو يسافرون ويستمتعون مع بعض ياخذون اطفالهم او يسافرون لوحدهم ؟؟؟؟
غالبا لوحدهم واطفالهم يتركونهم عند اهليهم
هذا دليل ان اللحظات اللي تعيشينها بالوقت من اجمل اللحظات بين الزوجين
علشان كذا ان اقولك متعي نفسك وزوجك وعيشي حياتك والله حرام زوجك يعيش حياته كلها يتنكد فيها داخل طالع يشوووفك دمعتك على خدك وحزينه وش بيده
هو يبغى زوجه تسليه وتهتم فيه وتعيشه احسن اللحظات
ودائما عند العامه اللي ماعندها اطفل تضل عرووووووسه حتى لو كبرت
تبقى مهتمه بشكلها وحلوه وعايشه حياتها
خلي حياتك حياة عرسان
وانتي لساتك عروووسه والله عروووسه
ليش الرجال يتزوجون ثانيه وثالثه ورابعه ليش يبغون وحده تعيشه حياة حلو من دون ازعاج اطفال ومشاكلهم
علشان كذا انا اقولك اقنعي نفسك
ودائما كرري نفسك كل تاخيره فيها خيره من ر العالمين
اقنعي نفسك ان ربي مااخرك الا لحكمه هو يعلمه واحنا نجهلها
هذا اللي كتب ربي اكتبه
واي اضافه انا ارحب بها اشد الترحيب
وانتم اكيد عندكم شيئ افضل من اللي عندي بكثير
اتمنى اني اشوووف ابتسامتكم تفائلكم على صفحات هالموضوع
واي وحده تحس نفسها متضايقه ترجع لموضوعي هذا وتقراها
واذا محتاجه اي مساعده انا مستعده
باللي اقدر عليه