ضايق صدري

السلام عليكم ورحمة الله وبركاتة

انامتزوجة لي 9 سنوات و ماعندي اي مشاكل ولله الحمد بالحمل و المشكلة عند زوجي عنده ضعف سوست عملية تلقيح مجهري وحملت وكان فترة حملي اهل زوجي عندهم زواجات بنت اخته صنتين وخطوبة لبنت اخته وزواج ولد اخته يعني فترة حملي 4 مناسبات و انتوا تعرفون شقد حملي عزيز بعد تعب من اخذ ادوية تنشيط و مشاوير وقلق من كل شئ اللي مجرب وضعي راح يفهم شعوري المهم انوا اول زواجين كنت توني بدايه الحمل حتى النبض ماتاكدت منه وقلت ماراح اخبر احد لين مااتاكد من النبض واهل زوجي هالفترة يحنون على زوجي ليه زوجتك ماجات الزواج اكيد حامل وتبغي تخش دبتها و ماتبي تعلم و ليش وليش وماقصروا هم من كثر ما زهقوني بالاسئله وهم طبعا مايدرون ان السبب من ولدهم وانا ماعلما حفاظا على مشاعر زوجي😢
والله يابنات من بعد اسئلتهم وكلامههم نزل علي دم بالاسبوع السادس رحت الطوارئ وشفت النبض الحمدلله وتنومت اسبوع و جات امه زارتني وقالت لي ان بناتها قالوا اني اخبي حملي و ماابغي اجي عشان مااوريهم دبتي وانا والله العظيم حملي توه حتى لاكرش ولاشئ طلع لي وامه شافتني وبعدها استمر الدم ماوقف وحملي دام الى الاسبوع 15 وقتها متنومة بعد بالمستشفى وتعذبت جاتني الام طلق كل دقيقه تروح وتجي  وجلست اتوسل بالدكاترة يعطوني مهدئات للطلق ورفضوا لان قالوا ماينفع وانا اخذ حبوب مثبته وتعذبت كثير وجلست ابكي من الالم ونزلت اسوي سونار وانا فيني الآم طلق وشافوا البيبي والنبض و صعدت الغرفة وانا اتالم وانا واقفه نزل جنيني كامل بالكيس و بعدها تعذبت على ما يطلعون المشيمة و سو وا لي عملية تنظيف و الجنين اخذه زوجي ودفنه وانا من بعد مافقدت جنيني ضاقت علي الدنيا و في هم وغم و على طول ابكي بنات ادعولي الله يعوضني بالولد الصالح ويكفيني اذيه الناس وخاصه اهل زوجي وحسبي الله ونعم الوكيل ولاحول ولاقوة إلا بالله العلي العظيم