السلام عليكم
انا اخت @ايامي@
بشرح لكم اول عني انا من النوع المسالمه وما حب المشاكل والله يشهد على طيبتي مع بنت زوجي واني ابديها على نفسي بكل شي واي شي ابوها يرفض يسويه انا البيه لها من غير ما يدري
والله اني محاسبه على كل كلمه كتبتها
وهذي نبذه عن بنت زوجي هي من يومهي صغيره وهي عند جدتها يعني مربيتها ومستحيل تنفصل عنها وتقولها يمه لانها مربيتها وهي بعمر سنتين ....وتجي مع جدتها إذا جات عندنا وهي كبيره الحين عمرها 16 سنه
بس مشكلتها مشاكلها لقفتها مثل الولاد من يومها صغيره ومع الاسف كبرت ولسى ماهدت وإذا جات عندي تتمشكل مع اخونها على ان بينهم فرق كبير بالعمر يعني ابوا 7وابوا 5وتضربهم ضرب وانا استحي اقولها شي لكن تتعب نفسيتي وتتحكم في كل شي ,,,,,,,,,,,,وحنا مافيه في بيتنا دش فتصير متنرفزه طول الوقت لانها مدمنه مسلسلات وافلام وتقول ماقدر انام من غيرها وهذا ينعكس على نفسيتها وتحط حرتها في اخوانها وتسب وتلعن اليوم إلا جوا فيه تقول ياليت ابوي ما جاب غيري على انه مايقصر عليها ومصروفها شهرياً يجيها ولما نطلع وتركب السياره تقول اف زحمه وتقوم تضرب في اخونها وتقول وخروعني لا تلمسوني مغير ابوها يهجد فيها لما نوصل ..........ما تحترمني ابد.....لما تعجبها حاجه من اغراضي اقولها خذيها ما تغلى عليك تقول اصلاً من غير ماتقولين اي شي يعجبني باخذه والله انها تاخذ اشياء مني ولما اروح عندهم القها محذوفه في غرفتها ولا استخدمتها فقط حب تملك .......... والله فيه اشياء كثيره ماقدر اقولها لان الوقت مايسعفني
نجي للمشكله بعد المقدمه الطويله عشان تصير الصوره واضحه
فكر زوجي انا نسافر لدول الخليج ولما درت دقت وقالت ابي اروح معكم .......من حقها صح
طيب هي تبعد عنا 1500كيلوا ومحد راح يجيبها ولا تقولون تجي بالطائره لان ابوها مستحييل يخليها تركب لحالها يخاف عليها
وإذا جات معي راح تنكد على بمشاكلها مع اخوانها وعدم احترامي واكيد بتشوف حريم كاشفين وراح تمدح قدام ابوها لانها دايم حركاتها توصف لابوها اي وحده تصادفها ولما قلت لها اني التضايق قالت ماكنت ادري وترجع لنفس الحاله وهي تناظرني وتشوفني متضايقه لكن ولا همها .......... والله يبنات اني ما ارضى عليها لكن هي تصرفاتها تجبرني التصرف بشي موا من طبعي ودي اسافر وان بسط ............وهي ان شاء الله لما تجي بنعوضها بسفره ثانيه وان شاء الله نكون شرينا سياره عائليه لان سيارتنا صغيره المسافه بعيده إلا بنقطعها وهي ماراح تتحمل الضيق
والله اني افكر اكنسل السفره لما نشتري سياره كبيره
ومحتاره اقنع ابوها يجيبها ولا اقوله يخليها مره ثانيه نسفرها
والله يوفقها ويهديها يارب ويعوضها خير عن بعدها عن امها وابوها
رجاء إلا عندها رد جارح تحتفظ فيه لنفسها
بناات لاتظلمون بوها لانه دور حجز وما حصل وما بقى على ايجازته شي وتتنتهي
ولو يروح بالسياره المشوار بعيد 1500كيلوا
واساس السفره يومين ونرجع ولما نرجع لازم يرجعها لان هناك عندهم جمعه عمتها وبنات عمها وهي بعد تبي هنا ومستحيل تجلس عندنا وتخلي الجمعه هناك
ولا تنسون بعد مسافة السفره طويله يعني إلا بيتعب ابوها
@ايامي@ @ayamy_2
عضوة نشيطة
يلزم عليك تسجيل الدخول أولًا لكتابة تعليق.
اذا كانت صادقه بكلامك ولا ازكي علي الله احد فأنتي نعم الزوجة
الله يكون بعونك ويصبرك على ما بلاك
ورايتك بيضاء وما قصرتي
وتلاقين ثوابه عند رب العالمين
الله يوفقك ويسخر لك زوجك ويلبس تاج الصحة والعافيه
الله يكون بعونك ويصبرك على ما بلاك
ورايتك بيضاء وما قصرتي
وتلاقين ثوابه عند رب العالمين
الله يوفقك ويسخر لك زوجك ويلبس تاج الصحة والعافيه
الصفحة الأخيرة
انا شايفه انو هي غيوره شوي منك ويمكن من اخوانها بعد وانتي ماقصرتي حاولتي تكسبينها