ضايق صدري تعبت خلاص بين اهلي وزوجي ......ودي اصيح انصحوني

مشكلتي تعبتني والله اني ادعي بكل صلاه ان ربي يصفي القلوب ويهديها:( زوجي انسان طيب وحبوب بس عصبي وما يفكر فيني زعلت ولا ما زعلت دايما مشاكل انا وياه بسبب اهلي اذا جا معي عندهم يحاول يختلق لي مشكله اما يهزئني ولا يتهمني بالاهمال بالولد ويدخل عندهم مكشر ومقطب وجهه واذا جاله اتصال شوفو الضحك والسوالف والله العظيم اموت من الحره ويوم اتكلم معاه يعصب علي ويقولي لاتناقشيني .

نجي لامي -امي انسانه طيبه وحساسه جدااااااااااااااااااااااااااااااااا ومزاجيه بعض الاحيان بس احسها تحس ان زوجي يكرههها بس انا مالتمست الشي هذا فيه بس بعض الاحيان احس انه يحاول يزعلها باي طريقه او يثير غضبها كذا عناد وانا لمن اشوف الشي هذا انهار نفسيا بس ماصرحت له اني ماخذه بالي من شي لاني اداري الامور عشان ماتحصل مشكله انا مضطره بعض الاحيان اني ابات عند اهلي وخصوصا بدايه ما اشتغلت عشان ولدي لاني ماجبت شغاله وهو ينام معي عشان يوديني الصبح رغم امي تداري خاطره الا انه يتكلم من خشمه تعبت والله اجي من الدوام القاها طفشانه بس بعدين تثور علي وتقعد تسب وتسخط والله العظيم انها عمرها ما طلبته شي ولا عمرها حرشتني عليه بالعكس تقولي زوجك هذا حطي بعينك بس احسها من داخلها تكرهه بسبب شغاله كانت عندنا تقولها ان الرجال هذا يكرهك ويتكلم فيك طبعا الشغاله سافرت وامي تثق فيها وقالتلي امي هالكلام بعد ماراحت وانه اتكلم فيه عند ابوي طبعا كل هذا الكلام تلفيق في تلفيق وحاولت اشرحلها مافي فايده.

اخواني -علاقتهم بزوجي عاديه بس يتجنبه عشانه عصبي ويجرح بالكلام بس هو يحبهم
ابوي-احسه مبسوط بالوضع ولا عليه

المهم صارتلي مشكله وزوجي حاول يمد يده علي عندهم وامسكه ابوي واخواني وامي عصبت وقالتله لو ما تبيها خلاص مافي داعي تسوي هالحركات فرد عليها وقلها مالك دخل لاتتدخلي وطلع وتركني اسبوع عندهم وبعدين جا اخذني وابوي قالي روحي معاه بس انا انهرت وتكلمت عليه وقام ابوي عطاني كف وتكلم على امي كلام والله مايقوله انسان وزوجي جلس يتفرج فينا وامي قامت تترضاني وتقولي روحي معاه عشان ولدك ماينحرم منك انا رحت معاه عشان ولدي والله العظيم مريت بظروف نفسيه صعبه ورجعت البيت ولا حاول يراضيني بعدين فيتامين ولدي خلص وقلتله وديني الصيدليه مارد علي رغم انه غلطان وقلتله انا معي فلوس بحكم اني موظفه مساهمه معه في البيت بس احسه مهو مقدر هالوضع وكلمت امي وكذبت عليها انه راضاني وجابلي هديه عشان صورته ماتتهز الحين صارلي شهرين اروح لاهلي لحالي ما اخليه ينزل بعد اللي سواه بس المشكله الحين صار يعصب لمن يشوفني اكلم امي لانه يفكر امي هي اللي مانعاه ينزل البيت مايدري انه قراري وش اسوي شورو علي.