السلام عليكم

لاتصيرين سيئه الظن ومتشائمه .. وتخلين الشيطان ووساوسه تسيطر عليج وتتحكم فيج
مو كل سفر وراه نيه مو زينه ... اهو فعلا الاسهم هناك تربح اكثر .. والشركه هذي كل السعوديين اليوم راحو يكتتبون فيها .. واهو مازادت همته وطلع جواز سفر وتذاكر .. الا قصده يسترزق .. ويحسن من اوضاعكم وحياتكم ..

ترى الرجال مافي شي يكسره مثل الحاجه وضعف الحال .. خصوصا اذا حس انه محتاج لمساعده زوجته وراتبها ..في الوقت اللي المفروض يصير العكس .
لا توقفين له عظم ببلعوم .. وتقطعين رزقه بأيدج ..

واذا كنتي خايفه انه ياخذها حجه ولا يتعود .. تقدرين تقعدين معاه قبل مايسافر وتتكلمين معاه بهدوء وتشرطين عليه انه يرجع اول مايخلص اكتتاب .. كل الناس هنا يسوون كذا .. يروحون يوم واحد يكتتبون ويرجعون في نفس اليوم .. وتذكرينه انه يراعي الله ويحفظ بصره ويحفظج في نفسه .. علشان الله يحفظه في نفسج .

واكيد اذا شاف تفهم منج ومراعاه ..راح يقدر لج هذ الشي .
وتأكدي انه مايصير الا اللي مكتوب لج .. وعليج بالدعاء ..

والله يوفقكم

هلا اختي
الله يرده لك بالسلامه
ان شالله انه مسافر يترزق ويحسن وضعكم المادي ...وبعدين الاكتتاب مثل ماقالو الخوات كثير سعوديين رايحين له وماياخذ اكثر من يومين ثلاثه اذاكثرر..اذامضايقك سفره بلحاله ممكن تكلمينه وتقولين له بسفراته الثانيه تكونين معاه

يابنت الحلال شكله صادق
الى الان 30 الف سعودي سافر يساهم في هالمساهمه حتى طيران لدبي مافي سكر من الزحمه ويمكن يكون خير لكم وفتح باب رزق لكم ادعي له ان الله يوفقه ويصخره لك ورده سالم غانم ولاتقطعين رزقه خليه يروح يترزق الله يمكن الله ينفع بهالاسهم

ياشيخه عادى
حتى زوجى كل شوى ناط لدبي

لاتخافين حبيبتي

فيه اسهم جديده في الامارات وهو صادق مايكذب عليك والاسهم هذي يقولون انها زينه

والسعوديين كب هناك يكتتبون بالاسهم لاتسوين مشاكل وخليه يترزق المسكين اكيد انه موب عاجبته حياته كذا وراتبه ضعيف

ويبي لكم السعه

الله يرزقه