ضايق صدري شوفوا لي حل

تعوذي من بليس يالغلااا

وروحي سوي فحص للغده الدرقيه لانها تسبب خمول وكسل

وشغلي سوره البقره في بيتك كل 3 ايام

وابعثي في نفسك السعاده والنشااط من نفسك

لو كل وحده فينها بتقول بيتي مو عاجبني صغير ضيق و و صدقيني ماراح تقدم

لاكن قولي الحمد لله ان بيتي على قدي انا زوجي وبنتي كيف لو بيتي كبير !!

واذا على زوجك المثل يقول زوجك وان عودتيه ولدك وان ربيتيه

يعني طول ما انتي تقولين البيت مو عااجبني ولا لي نفس اطبخ من البديهي جداً الرجاال ما يشتري

شي ولاا رااح يشتري الاهل ماالهم شغل معودينه ما هم معودينه هذا زوجك وانتي الي تعودينه

من الصبااح يوم الخميس والجمعه افتححي الشبابيك واستعيني بالله واطلي الله ان لا يحرمك الاجر

وابدي في مملكتك ترى الحركه بركه وخصوصا قومت الصبح الوقت هذا مافيه احلى منه للتنظيف والشغل

تنفتح نفسك للطبخ الغداء والمذاكره وتلااعبين بنتك لان فيهاا بركه

اسال الله ان يباارك لنا ولكم في اعماالنا واوقاتنا

سبحان الله والحمد لله ولا اله الا الله والله اكبر

شوفي حبيبتي شيلي فكرة ما أقدر أنظف عشان البيت مايساعد ..

لأن لو تمكنت منك هالفكره ماراح تقدرين تسوين شي لأنه داخلك شعور سلبي ..


كل اللي عليك شيين الاول تنظمين وقتك وتعرفين متى تنامين ومتى تقومين لأنك مسئوله عندك بيت وبنت وصعب تهتمين فيهم وأنتي مانظمتي وقتك ..

الشي الثاني .. إدخلي كل غرفه في بيتك وشوفي وش الشي اللي يسبب الحوسه وش اللي مضايقك من المكان وأهم شي وش الحلول اللي ممكن تضيفينها للمكان..

يعني مطبخك صغير حاولي ترتبينيه والأأشياء اللي قليل استخدامها ترفعينها (المطبخ الصغير نصيحه حاولي قدر المستطاع ماتحطين أغراضك برى لأنها بتسبب لك زحمه حتى لو كنتي بس بتصلحين ابريق شاهي بينحاس المطبخ )

ادخلي غرفتك شوفي دولابك رتبي لكل شي مكان عشان يسهل عليك تطلعينه لما تحتاجين له أو لما ترجعين الملابس يكون مكانه واضح ..


أهم شي في بيتك انتي ترتاحين فيه فلا تحطين في بالك ما عزمت أحد إلا كم مره ..

يعني من تجربتي أنا شي إسمه غرفة نساء ملغيته وحاطتها غرفة لملابس وحوسة ولدي وفيها دولاب كبير نصه تخزين للمفارش وغيره والنص الثاني لأغراض ولدي ..وحاطه طاولة الكوي والمنشر فيها ..والدولاب ماشريته من الغالي والله تفصال بس شكله حلو وكبير ..

وصدقيني لو كنت حاطه غرفة نساء ماراح يجيني إلا الحوووسه وأغراضي ما أدري وين أحطها وبتكون مكومة في غرفتي وبس والحريم ماراح يجوني إلا كم مره ماتستاهل أضيق على نفسي عشانهم .. الصاله تصير مجلس لهم أو مجلس الرجال لما مايكون فيه رجال ..

الشي الثاني اللي خفف علي شغل البيت بصراحه غسالة الأوتوماتيك شي روووعه نسيت شي إسمه هم غسيل خصوصا إنها ماتوصخ الحمام زي العاديه نظيفه ومريحه لك ..

ياقلبي الله يعينك اولا سبحي قبل لاتنامي 33 واحمدي الله33 وكبري 34 واطلبي من الله يعينك في كل سجود واتوكلي على الله ولاتكوني سلبيه بالعكس خبي بيتك الله يوسع عليكي ونظمي وقتك واكسبي زوجك وفرحيه وهذه رعيتك ولاتنسي كلكم راع وكلكم مسؤول عن رعيته الله يوفقك

سوي بنصايح البنات

ابداي يومك بالذكر استغفري وانتي تشتغلي وصلي عالنبي عليه الصلاة والسلام

هللي كبري وراح تسوفي شغل البيت متتتتعة صدقيني

كنت ساكنة بشقة كبييرة ٥ غرف وصالة كبيرة و٣ حمامات

والحين شقة صغيرة ٤ غرف صغار و٣ حمامات ومطبخي تقريبا زي مطبخك اذا مو اصغر

فعلا يحوس بسرعة بس مع ذكر الله احس انتهي بسرعة من الترتيب وغسل المواعين اول باول

ونظمي نومك حاولي تغيري جدول بنتك في النوم ونامي معاها الليل واصحي الصبح وان شاء الله يتيسر كل عسير

واللهم لك الحمد دووووما