السلام عليكم ورحمه الله وبركاته
كيف حالك ان شاء الله بخير
بدخل على طول بالموضوع ومالي الا نصايحكم الله يفتحها عليكم يارب بالدنيا والاخره
انا متزوجه وعندي ولدين وزوجي قريب لي وصار لنا سبع سنوات متزوجين وانا احبه واموت فيه
ومو مخليته قاصره شي من ناحيتي وبيتي وعيالي كل شي وما احب اتدخل باي شي اذا قال لي خير على خير ماقال
لي سكتت لاني انا اقول كل شي له بس بحدود الخصوصيات العائليه ماني عارفه كيف ابدي وربي ضايقه الدنيا فيني
مالي الا انتم تساعدوني للامانه مو مخليني لا انا ولا عيالي ناقصنا شي بس حارمنا الطلعات
مالكم بالطويله انا اكتب وربي ايديني يرجفن وقلبي مو مكانه مو مصدقه الي شفته
قصتي زوجي مسوي له ايميل خاص يكلم فيه بنات وانا طحت عليه وتمالكت نفسي وسويت لي ايميل وضفته عندي
وجتني المصيبه انه يروح مع خوياه يتجمعون وكل واحد بجهازه و قبل اضافتي وجلست اسولف معه وانا مو ماسكه
نفسي وربي اكتب له وانا ابكي وغيرت اسلوبي على شان مايشك سالته وش اسمه وكم عمره وهل هو متزوج كله كذب
علي فيهم ماقال الصحيح عقب شوي قال لي نتكلم مايك قلت لا ما اقدر خفت يعرف صوتي ويسولف ويضحك غير عن
الي اعرفه بالبيت نوم وطلعه وهاملنا مايجلس معنا وربي انا من جميع النواحي مهنيته حتى لبس البس له وابتسامتي دوم
له ومن الكلام الحلو بس ماتوقعت يطلع منه كذا اشياء وواعدني بكره نكمل سوالف وحدد نفس الوقت الي يكون فيه برى
البيت وانا متماسكه على شان ما اخرب بيتي ......
عطوني وش اسوي ابي حل لاتقولون واجهيه لان اكثر الي واجهو ازواجهم عاندو لانهم رجال وراسهم يابس يقولون هذا
انتي عرفتي وش تبين ابي حل غير اني اواجهه وانا بستمر معه بنتكلم بشوف وش وراه .....
نسيت اقولكم انه يوم سكر وجا للبيت كله مبتسم مو عوايده مع اني ابتسم بوجهه دوم وهو ابد << مو داري الي تكلمه
انها زوجته ....
انتظركم لاتخيبوني ودعواتكم ليىا ولكل وحده متزوجه ويسوي فيها زوجها نفسي
ادري مصيبتي بالنسبه لغيري عاديه بس انا اشوفها كبيره
والســــــــــــــلام خـــــــــــــير خـــــــــــــــتام
الصدى الحنين @alsd_alhnyn
محررة برونزية
يلزم عليك تسجيل الدخول أولًا لكتابة تعليق.
ضحكتي تبكيهم
•
الله يفرج همك واجهيه وسوي حالم مهزوزه وابكي كتير لعل وعسى يحس بغلطه يارب يكون بعونك قلبي معاك ياغاليه اهم شي لاتعصبين وتعلين صوتك ولا تطلعي من بيتك بس بيني له انك عرفتي واذا سالك وشدراااك دوريلك صرفه لاتقلين اناا اللي كلمتك
والله مدري ايش اقولك ***** الله تفيدك وحده حكيمه
الله يعينك ويصبرك ويسخرلك زوجك ويشوفك بعينه اجمل واعف وافضل النساء اللهم آآآآآآمين
الله يعينك ويصبرك ويسخرلك زوجك ويشوفك بعينه اجمل واعف وافضل النساء اللهم آآآآآآمين
اولا شي عليك با الدعاء خليه سلاحك في كل وقت
ثاني شي اسالي واحد مختص في حل المشاكل الاسريه (واهم كثررين مثل المحررج والدكتور ميسرره وغيررهم )قبل تتكلمين معه في اي شي
وربي يرده لك ردن جميلا يارب
ثاني شي اسالي واحد مختص في حل المشاكل الاسريه (واهم كثررين مثل المحررج والدكتور ميسرره وغيررهم )قبل تتكلمين معه في اي شي
وربي يرده لك ردن جميلا يارب
الصفحة الأخيرة