ضايق صدري من هالضيق المادي

هذا اول موضوع لي بعالم حواء اعذروني على كثرة الكلام :icon36: :icon36: بفضفض يا بنات لاني مره مضايقه و احتاج دعوه منكم ، قولولي كيف الصبر ؟؟؟ الحمدلله على كل حال ، كنت عند اهلي وضعي المادي مريح جدا، و كنت موظفه و راتبي كله لي ، تزوجت زوجي انسان رائع بمعنى الكلمه، بس حالته الماديه بين وبين يعني مو سيئه بس ابدا مو بمستوى الراحه الي كنت اعيشها، بحكم عمله عايشين بالغربه تركت عملي وسافرت معاه، الراتب يكفي الاجار ومستلزمات المعيشه الاساسيه اكل و شرب بالاقتصاد بعد، مضطرين للغربه لانه ملزم بهالعمل و لسه قدامنا سنين فيها لو ربي طول في اعمارنا ، مشكلتي زوجي عنده مبدء لا تفكر في بكره خلي يومك بيومك، عكسي انا احب احسب حساب المستقبل ، لما كنت موظفه كنت اعرف اوفر مبلغ ممتاز من راتبي كل شهرو يتجمع معاي آخر السنه اشوف ايش احتاج منه ، سفره ، اغراض لبيت اهلي، هديه للاهل ، مساعده للحواليني ، و كنت الحمدلله اكفي نفسي و غيري، ايام الملكة طرح على زوجي فكرة تأثيث البيت يكون بعد ما نجي بيتنا و اختار اثاثي بنفسي و انا فرحت انه هذا بيتي مملكتي بأثثه من الألف للياء بمزاجي و حلوه الفكره عجبتني، و هو قالي انا حطيت مبلغ للتأثيث على جنب ، بس ايام شهرالعسل صار ظرف عند اهله و مبلغ التأثيث راح ، فرحت انه شخص فيه خير لاهله ، رجعت للواقع بعد شهر العسل جيت على بيت فاضي بمعنى الكلمه، شهور و الحال ما تعدل، و خلال هالشهور و بالضغط على نفسنا بالاكل و الشرب ، اشترينا اشياء قليله جدا للبيت تنعد اقل من اصابع اليد الوحده، والله يبنات ما عمري حسسته بالزعل من الوضع و بالعكس اقله الحمدلله عندنا سقف و اكل و هذي نعمه كبيره في حد ذاتها و فعلا الحمدلله نعم ربي علي لا تحصى ، و افكر انه بعد العسر يسر، الحمدلله شفت من الدنيا خير كثير في بيت اهلي، و الان تبدل الحال لازم اكون شاكره لله في السراء و الضراء، بس كمان بعض الاحيان تجي على اوقات اتلفت في البيت و اتحسر على وضعي و اتمنى لو اني ضغط عليه يأثث و اتمنى يكون بيتي مثل بيوت اخواتي واخواني الي متزوجين. اقول الحمدلله اني في غربه لا اهلي ولا اهله حولنا علشان ما في احد يشوف حالنا، ما احد من اهلنا يدري بالحال اقول لاهلي اني مرتاحه و مبسوطه ، بس فيني غصه ما ادري متى يتعدل وضعنا، لدرجة ملابس شتاء ما قدر يوفرلي و انا عايشه في بلد الثلج فيه ما يوقف بالشتاء، مرت الشهور و صرت حامل و شلت الهم همين من وين وين بنجيب للطفل و زادت ضيقة صدري , راح يكون في نفس شهور ولادتي زواج اخواته الاثنين و كل يوم من الآن اتصالات من اهله يله نبغى و نبغى ارسل الفلوس و كل وحده من اخواته تطلب شكل وانا ساكته اراقب الوضع، وهو مثل ما قلتلكم طبعه ، يقولهم عطوني تقدير للمبلغ الي تحتاجونه و ارسله لكم في اقرب وقت، والله يا بنات انا عارفه كل حساباته البنكيه ما عنده فلوس استغرب كيف يوعدهم من وين بجيب، و ليش يوعدهم هم اعذرهم ولدهم و لهم عليه حق بس هو ما فهمت تفكيره هو عارف ان حوجتنا كيف بتكون في الفتره الجايه و كيف حالنا الآن كيف بيتصرف ، انا انسانه عاقله و استحمل بس في طفل بيجي كيف وضعه ؟؟ اهله واهلي يسألوني ها صوري تجهيزاتك للبيبي و اقولهم اذا رحت السوق و اشتريت بوريكم و ما ادري بيصر وله لا. ادري بتقولون لي حاول تشتغلي و توظفي، ما عندي مانع بس حاليا صعب مع الحمل و مع الظرف المادي في اجراءات لازم اعملها قبل ما اقدم للعمل و احتاج كم شهربعد الولاده علشان امشي اموري في الغربه.

عارفه انه و قت سيء و بيمر و انه بعد العسر يسر، و ما ضاقت الا لتفرج و عارفه انه دوام الحال من المحال بس تعلمت درسي بأقسى الطرق و اقتنعت تماما انه اكبر غلط عندي اني استسلمت لطريقته في التفكيرالي هو التوكل بدون عمل و انه ما يعرف يقيس الامور و يقدر لبكره، افكر ان شاء الله بس اولد بالسلامه ، برجع عند اهلي بجده واتوظف الى ما احسن وضعنا و بعدها ما ارجع هنا الا وانا ضامنه وظيفه تكفلي راحتي، تعلمت درسي انه لازم اعتمد على نفسي و ما اسلم امري لأحد ابدا حتى لو كان زوجي ، فعلا الاستقلال المادي للزوجه مهم جدا، الحمدلله شهادتي فوق جامعيه و كنت انسانه ناجحه جدا في عملي بس هذا نصيبي، تعلمت انه مهما كان في راحه و الفه بين الزوجين الضيق المادي ينكد على الانسان راحته.

كانت مجرد فضفضه ، احتاج دعواتكم و سؤال اخير يا حوائيات مين تحول حالها المادي من بيت اهلها للاسوء في بيت زوجها و كيف صبرتي الى ما جاء الفرج ؟؟؟