لا لا تنسحبين احلى شي التحدي خلج شجاعه وابدي من الحين صدقيني بس تنحفين كم كيلو راح تشجعين هي البدايه صعبه شوي وبعدين راح تحبين الاكل الصحي والقليل ..
شرايج بالنظام هذا باين عليه حلو وفيه يوم مفتوح علشان ما تخبصين ولا تفكرين تخبصين ..
لا لا تنسحبين احلى شي التحدي خلج شجاعه وابدي من الحين صدقيني بس تنحفين كم كيلو راح تشجعين هي...
كلنا نمر بحالات اليأس ، ونحط حرتنا بالأكل
والله كنت آكل بيتزا حجم كبير بروحي قبل فترة بس لأني يأست وماني عارفة شسوي عشان انزل من وزني
ومن شفت نتايج المسابقة السابقة تحمست وقلت خل أجرب واشترك بمسابقة الصيف ، وتوكلت على الله وبديت بالتخفيف
وتلاقيني آكل أي شي من طباخ البيت حتى الكبسة بس حطيت لي حدود معينة وهو كالتالي
1. في الليل أجهز زجاجة ماء نصف لتر وأخليها جنبي عشان لما أصحى الصبح أشربها كلها
2. الافطار ضروري واذا ما اشتهيت آكل شي أكتفي بالتمر واللبن
3. صرت أصحى بوقت معين وأنام بوقت معين ، صحيح بعض الأوقات أتأخر بالنوم لكن غصب علي أصحى بدري
4. في البداية كانت الصلاة هي تماريني وكنت أطول بكل فرض شوي وكانت أحسن تمارين ومع المسابقة اشتركت بنادي جنب بيتنا
5. إذا ما قدرتي تشتركين بنادي لا تيأسين ، وخلي حركتك في البيت أكثر من جلوسك وإذا عندك درج احسبي عدد مرات صعودك وعدد مرات نزولك في اليوم وكل يوم زيديهم مرة أو مرتين
6. قبل كل وجبة ألزمت نفسي أني آكل نوعين من الخضار أو الفاكهة على الأقل وكلما كانت أكثر كان أفضل
7. والعشاء أحاول إنه ما يتاخر عن 8 وإذا صار في عزايم آخذ الصحن الصغير وأملاه من التبولة وأحط القليل من صنف واحد من المأكولات
8. وكل ما حسيت بالجوع بين الوجبات آكل خيار أو برتقال أو تفاح أو اي نوع من الخضار أو الفاكهة الموجودة في البيت
9. والماء دايما معاي وبكل وقت أشرب الماء الا وقت الطعام أخليه للأكل لأني قبل الوجبة بنص ساعة على الأقل أشرب الماء واذا حسيت بالعطش وأنا آكل الوجبة أروي عطشي بالبرتقال أو الخيار وأنتظر بعد الوجبة نص ساعة وبعدها اشرب الماء
10. أهم شي سويته من بديت نظام التخفيف إني أسجل كل شي آكله في موبايلي وبنهاية اليوم أنقله في ملف سميته مذكرات صيف 2007
تقريبا هذا نظامي ان شاء الله يساعدك في انك تتبعين نظام يناسبك لأنك الوحيدة اللي تعرف جسمك وتعرفين ايش اللي يناسبك
يا رب يوفقك ويسهل أمورك ويعطيك العزيمة والارادة
وما يجي العيد الا وانتي متغيرة 180 درجة