ضايق صدري ودي افضفض

سلام عليكم جميعا ..بدخل في الموضوع…  من اسبوع وانا اقول لزوجي عندي ملابس ابغي ارجعها لسوق ولاهي برخيصه قال خلاص علي الاربعا او الخميس  بوديك لان الويكند مو فاضي حدي مشغوول للعلم كثيير امور متراكمه في البيت لكن ياجل يااااجل كل شي…  نهااره دوام من صبح لين اربع العصر بعدين غداء و قهوه ثم بعد المغرب في الاستراحه لين نص الليل كذا نظااامه ايام الويكند اذا مابوه شغل ولا النهار نوم او تلفزيون ..المهم نرجع لحديثنا ..اتفقنا علي يوم الخميس يوديني الي هو اليوم وقلت له بعد اهلي بيجون بعد كمن يوم ولدي الصغير ماعنده ملابس عدله وملابسه صغرت عليه قال طيب وقلت احتاج اغراض من الصيدله…  صار اكثر من شهر طالبتها وعطاني فلوسها لكن ماوداني..  المهم رجع من الدوام وتقهوه قلت متي نمشي قال تعبان خليه بعدين قلت ليه بكره مشغوول وموفاضي لنا واهلي بيجون في اي وقت ابغي ملابس لصبي المهم قام يتحجج ويصرف وفي النهايه سوى مشلكه لاني صمت ولا استٱذنت منه للعلم قد عطيته خبر اني هذا الاسبوع ببدٱ في القضاء وسوا نفسه زعلان وراح ونام وسحب علينا… يابنات مليت دايم ياجل مشاااويري واذا زعلت قال انتي كثيرت الزعل والزن ايش اسوي مليت من الحبسه ماابغي اظلمه هو كل ويكند يوديني لاختي اذا مااعندها احد اتعشي وكذا لكن ابغي منتزهات واسواق وملاهي لكن مايحبها تكفوون الي تعرف حل تقول لي او طريقه جريتها ونفعت معها ادري طولت وكلامي ملخبط اكتب من الجوال ومشكورين فديتكم