ضايق صدري وكل هالكون مايسوي بعيني شئ

بنات متضايقة حدي ودي اتكلم ودي افضفض
حاسة نفسي تايهة ضايعة ماعاد اقدر اركز بشئ موفاهمة شئ من اللي يدور حولي

بنتي قالو عندها متلازمة مو داون لا شئ ثاني ومن وقت جبتها وانا من عيادة لعيادة وكل شوي اشك ان عندها شئ مو سليم واحجز بعيادة
احس صرت بس اتصيد عليها وكل شئ منها مااشوفه شئ مع ان كل تحاليلها سليمة لحد الان..واللي قاهرني ان مرضها ماله تحليل معين يثبته لا مجرد كشف وتوقعات

بمعني ان شكل بنتي يعطي انها مصابه بهذا المرض وتلفت نظر اي طبيب بملامحها لكن اللي يأكد هالشئ هو مع كبرها واذا كانت تطوراتها زي اي طفل تكون سليمة والعكس

واحس المستشفي يلعبون باعصابي وماعليهم غير يعطونا مواعيد ومتابعات..بنتي عمرها سنة وتوقف بالاثاث بس تثني احيانا القدم وتجلس وتحبي وانا اراجع فيها قالت الممرضة احجزي لها عند العلاج الطبيعي يشوفها الدكتور مو خسرانة شئ..
رحت حجزت عنده وشافها وقال جسمها جدا جدا رخو لازم جلسات علاج.. وبدأت بالجلسات والمدربة اللي تدربها تقولي اعصابها جدا جدا مشدودة
احس اني احترت. ممكن يصير الطفل رخو جدا جدا جدا وبنفس الوقت اعصابه مشدودة جدا جدا؟؟؟

ومن ناحية عقلها ماادري هل هي طبيعية اولا.. بنات الله يرضي عليكم كيف احكم عليها بعمر سنة؟؟ يعني ايش يدل ان الطفل يفهم ومركز؟؟ انا من كثر كلامهم ماعاد اميز مع ان عندي اطفال قبل..

زوجي يقول خلينا نوقف المراجعات والمتابعات فترة ونترك البنت بحالها بدون تمارين وتدريبات ونشوف الوضع .. بلاش نرهق نفسها والالم والتوتر النفسي اللي عايشينه ومأثر علي حياتنا وعلي اولادنا
بس مو قادرة ماابغي احس بالذنب لو طلع فيها شئ