يازين ذيك الأيام خدودنا مصقوله من الوناسه وراحه البال والحين وجيهنا كنها بالونها فاشه من الحزن والكآبه والمسؤوليه نفسي اجلس في بيت اهلي لمده 6 شهور على الاقل ارتاح اشوي وتنور بشرتي بس مستحيل يستغنون عننا عيال الناس
يسلام على ايام المدرسه مانفكر الا اش نلبس بكرا واش نسوي شعورنا واش نقص واش ناخذ شنطه تذكرت نفسي وانا افضي الشنطه وانقل الكتب لشنطه ثانيه للتغير والا بلايز الشتاء كل خميس نطلع نشتري بلايز حقات الأسبوع كله مع لون البكله والا نزين دفاترنا ونتجاكر من اكثر اقلام قد صار بمقلمتي 47 قلم من التنافس
والحين بزارين
ورجل يحطم المعنويات
وان اتصل احد لازم تحقيق منهو واش تبغى فيك:06:
وحركات نذاله مالها داعي
ومشاكل مع اهل الزوج مع انك تبتعدين عن المشاكل يجيبونها غصب لك:06:


مااقول الا ياحظكم يااللي ماتزوجتو ولاتقولون يمكن هم ازواجهم غير ترى كل الأزواج واحد يوم رومانسي ويوم قروي ويوم نكدي والله زوجي يوم اخذته يضرب فيه المثل باالرومانسيه ومع انه مو مقصر باالعطايا والفلوس لكن مايستغني عن النكد
غير كذا قبل الزواج تحسين بحريه تتكلمين عادي وتنامين عادي وتاكلين عادي

الحين
لازم تحسبين الف حسااب اذا جيتي تتكلمين علشان ماتقولين شي يزعله او يثور غيرته
لازم اذا جاب شي ينوكل تاكلين معه غصب عليك حتى لو شبعانه اهم شي تصيرين جالسه معه على الاكل
لازم تسهرين معه
ولازم تنامين معه موعلى كيفك تجلسين عند الكمبيوتر وهو نايم حتى لو مافيك نوم انطقي بسريرك الى الصبح اجلسي تذكري مشاكل راحت وصيحي الى الصبح

المشكله فرحتنا واصله لسابع سماء يوم الزفاف نحسب ان حياه الأسعاد بدت وهي ولت وراحت

يسلام زمان اول انام على كيفي واذا جعت يرقون الاكل الى فوق واذا خلصت رقو شالو الصينيه اكلمهم باالسنترال
كاني اميره وماانزل من غرفتي الا للطلعه بس يكلون باالتلفون البسي العصر بنطلع واجلس كل الظهر انقي لي لبس واتروش واستشور


قلبتو مواجعي مع السلامه:06:

حبيبتي بنت النور

لا تشكيلي ابكيلك انا مثلك تزوجت وانا صغيره:( و اهلي في مدينه وانا في مدينه :44:
والحال لايعلم بها الا الله لكن كما يقول الشاعر

ضاقت فلما استحكمت حلقاتها فرجت وكنت اخالها لاتفرج

فعليك اختي بالصبر لاني اكتشفت انه العلاج لما نشكو منه وعليك بشغل وقت فراغك حتى لا يتسنى للك التفكير في وضعك

ولك خالص حبي وتقديري

انا زيك والله انى دايما ابكى وحاسه بهموم الدنيا كلها
بالرغم من انو زوجى مو منقص على شئ والحمد لله عندى ولد لكن حاسه بالوحدة خصوصا انو ابوى وحشنى مرة ونفسى اشوفه

هذا شي عادي عادي ببداية الزواج ... يا حبيبتي والله اني حاسه فيك

بس ترا بعد فتره من الزواج بتتعلقين بزوجك وببيتك اكثر .. وعلى شوي شوي بتنسين اصلا انتي كيف كنتي عايشه عند اهلك ... بتصير حياتك الحاليه مع زوجك هي الاساس خصوصا بعد ما تنجبين اطفال ...

تصدقين انا مثلك تزوجت صغيره .. وكنت دايما ودي اروح لبيت اهلي واحيانا انام عندهم بدون سبب .... لكن الحين ، ويييييييييييييين مستحيل ارتاح في بيت غير بيتي ولا يجيني النوم الا وزوجي جنبي .. تصدقين ما اعرف انام في بيت اهلي واتضايق لو طولت عندهم

يا بعد عمري وسعي صدرك ... واذا اشتقتي لأهلك زوريهم ، اتمنى ما يكونون في بلد بعيد مره
ولا تنتظرين من زوجك ان يراعيك ويداريك مثل امك وابوك .... لأن الزوج مستحيل يكون مثل الام والاب .. بس مو معناها انه ما يحبك ... بس هم الرجال كذا :27:

الله يوفقك ويوسع صدرك بالايمان

الله يعينك حاولي تشغلين نفسك بأي شي ثاني
علشان تبعدين عن التفكير فيهم
ادخلي المطبخ ولا اطلعي تمشي مع زوجك
ولاحوسي بالنت أو غيري ببيتك
الله يرزقك بأولاد يملون حياتك
وهذي سنة الحياة صرتي زوجة وبعدين ان شاء الله أم
اصبري واحتسبي
وشوفي مصايب غيرك وتهون عليك مصيبتك