اختي في شي بسيط سويه وراح يمنعه من السفر بروحه وراح ياخذج بعد معاه
تدرين شنو؟
انزلي وبتعرفين :D







































توضي وصلي ركعتين ودعي بخشوع ان ربي يسخر قلبه وياخذج معاه واللحي في الدعاء وابكي والله اختي عن تجربه في سنه من السنوات قرر زوجي يسافر مع واحد من ربعه دوله اجنبيه وانا الصراحه خفت عليه لان صديقه هذا مو ملتزم وزوجي الحمدالله اخلاقه زينه ومحافظ على الصلوات فخفت انه يتأثر بصديقه وترجيت زوجي مايسافر معاه بس رفض وجهز كل شي للسفر رحت وسجدت لربي ودعيته ان ها السفره تتفركش وتصير لصديقه ظروف تمنعه من السفر والحمدالله الله استجابلي وبالفعل صارت لصديقه ظروف واعتذر وقال زوجي خلاص بدور واحد ثاني يسافر معاي ورحت بعد وسجدت وكنت ادعي وانا ابكي بحرقه واترجا الله انه يمنعه من السفر ومايلقى احد يروح معاه والله استجابلي وتفركشت السفره كل مادق حق واحد قاله ماقدر اللي قاله ماعندي اجازه واللي قال ظروفي ماتسمح عاد انا استانست :icon28: وحمدت ربي حتى زوجي شك فيني قالي لايكون انتي دعيتي علي قلت له لااااااااا ليش ادعي وانا فيني ظحكه والله كنت بموووووووووووت من الظحك بس مسكت روحي لايعصب علي :laughing: :laughing: :laughing:

خواتي الله يهديكم شفيكم شيشتو المره على زوجها

اختي بما انه مالك امل تروحين معاه احسني وداعه واحسني استقباله

لاتخافين عليه من ناحية الحريم الي ربي مشغله بالصيد ماهو حول هالشي

لاتنكدين على نفسك وتتلفين اعصابك عالفاضي لانه مهما صار لازم بسافر

عالاقل اذا مازعلتي قصدي اذا مابينتيله انك زعلتي

راح يكلمك كثير ويعلمك وش سوى ووش صار وانشالله بتتطمنين

الله يرده لك بالسلامه

ابدااااااااااااااااااا لاااااااااااااا اتوافقين


ترى والله مايسافرون مع الاصحااااااب على خييييييير



خذيها مني نصيحه


وعن تجربه

اختي أنا اقول إنه لا يسافر لوحده .. حاولي تقنعيه وتقولينله إن الرجل يمسك من لسانه ووعد الحر دين عليه وبما انه وعدك الصيف الماضي أن يسافر معك الصيف القادم (يعني هذا الصيف) فوعده دين عليه .. ادخلي له من هذه النقطة وبالقليل من التودد والدموع والكلام المعسول مثل المرة السابقة كنت راح اموت لوحدي .. ما اقدر على بعدك .. صدقني احب دايم اكون جنبك .. إنا احبك عشان كذا اريد دايم اكون جنبك ، وإنت ما تحبني؟؟ ..

وان شاء الله يوافق .. والا فخذي بنصيحة الأخت جنان ..

مشكورين حبيباتي ماتصدقون شكثر انتو خففتو علي لأنكم حسيتو بمعاناتي
اما بالنسبه للروحه معه انا غاسله أيدي منها يبطل يروح أهون عليه من أنه ياخذ حرمه معاه تقيد حركته ( هذي مقولته دايم يرددها )
أمس بالليل سويت مثل ماقلتولي صليت ودعيت ربي بصدق أنه مايسافر أو انه ياخذني ولما صحيت الصباح اتصل علي وكان يتوددلي وقالي شرايج نروح ندور أكسسوارات للمجلس لأني مغيرته وحسيت انه بيتقرب بس انا صراحه كنت ثاقله عليه لأني خايفه منه مادري هو للحين مصمم على رايه ولا لا ؟ بس أحيانا أقول لنفسي يعني شبيصير يابنت غير الي الله كاتبه لك . ولما اتذكر نضره الشك الي بعيون امي وشماته سلفتي لأنها قادره على زوجها وانا لأ رغم أن زوجي وزوجها أخوان , ولوم خواتي لي لني خليته يروح لحاله خاصه انه العام رايح وهالسنه ويمكن تصيرعاده كل سنه ....أخاف تخنقني العبره . :(