.: ضايق صدري يا بنات .. تعالوا أدخلوا :.

السلام عليكم ورحمة الله ..



كيف حالكم يا بنات ..
أختكم تمر بأتعس أيام حياتها :44:


أنا تبت وألتزمت قبل 6 سنوات تقريباً وصرت الحمد لله ما أطلع إلا بقفاز وعباية راس وكسرت كل أشرطة الأغاني اللي عندي .. بس سبحان الله النفس أمارة بالسوء والشيطان يجري في أبن آدم مجرى الدم :44: ...

يعني طوال الست سنوات هذي كنت بعض الأوقات أرجع للذنوب اللي كنت أسويها .. بس أحس بكتمه وضيقة صدر مو طبيعية .. فـ أتوب وأستغفر وأقلع عن الذنب بسرعة .. بس بعدين أرجع في لحظة ضعف وبعدين أتوب وهكذا :44:



المهم ..

في شخص كنت أتمنى أن يكون نصيبي .. رجل بكل معنى الكلمة .. دين وأخلاق وطيبه والكل يمدحه وكنت أدعي ربي ليييييل ونهاااااااار إن يجعله من نصيبي .. في الثلث الأأخير من الليل .. مع نزول المطر .. في آخر ساعة من الجمعة .. بين الأذان والإقامة ... أدعي ربي بكللللل وقت من كثر ما أنا متعلقة فيه


تدرون إيش اللي حصل ؟

قبل أسبوعين عقد قرانه على بنت أعرفها :44:

من سمعت الخبر وأنا أبكي (إن العبد ليحرم الرزق بالذنب يصيبه )
أخاف إن ذنوبي هي اللي كانت سبب في حرماني من هالرزق :44:

أحاول أنسى وأقول كلن ياخذ نصيبه .. بس إذا شفت العروس وشفت الناس كيف يباركون لها مبروك عليك فلان <= من كثر الطيب اللي فيه ... أنقهررررر وأموت غيره
بي أقوم وأجبر نفسي أدعيلهم بالتوفيق والذريه الصالحة بظهر الغيب .. بس عشان مابي الحسد يملا قلبي
أحاول أجاهد نفسي وأغصب نفسي أدعيلهم



بنات والله ضايق صدري ... خايفة لاتكون ذنوبي هي سبب البلا اللي أنا فيه