السلام عليكم ورحمة الله وبركاته
يااخواتي انا بااقول لكم قصتي مع الحمل للعبره وعلشان نحسب حساب كل كلمه قلناها انا قبل اتزوج كنت اضحك واستهزأ بالي تحمل من اول شهر او بسرعه لجهلي ولاني ماعرفت اني محاسبه على كل كلمه اقولها تزوجت وانا كنت استخدم دواء البشره روكتان وهالدواء لازم اخذ معه مانع للحمل لانه يسبب تشوه للاجنه فكنت فرحانه اني ماراح احمل واني راح اكون قد كلمتي استخدمت الحبوب سبع شهور والله يابنات بعد مرور خمس شهور بس كنت ابي احمل بسرعه المهم بعد ماخلصت علاج البشره قالي الدكتور لازم شهرين مااحمل يعني كملت تسع شهور مااقدر اوصفلكم يابنات حزني لاني ماراح احمل المهم خلصت الشهرين ورحت لدكتوره وقالت لي اعطيك كلوميد وان شاءالله تحملين اخذت الكلوميد وللاسف جاتني الدوره كرمتوا وكان وقتها رمضان والله يابنات حزنت حزن ماتتخيلونه المهم كنت مسافره ورجعت ورحت لدكتوره ثانيه قالت لي نفس شي خوذي كلوميد وتحملين اخذته ولا حملت وتركتها ورحت لدكتوره ثالثه سوت لي كورس كامل للمتابعه اول شي كشفت بالاشعه علشان تشوف الرحم مايل او لا والحمدلله طلع كويس ثاني شي فحصت فحص نسائي علشان تشوف فيه افرازات او لا والحمدلله طلعت سليمه بعدها قالت روحي وبعد الدوره تعالي اشوف التبويض عندك بدون اي علاج جيتها بعد الدوره قالت لي التبويض عندك شوي ضعيف (يابنات وقتها حسيت اني اغضبت الله بكلمه قلتها قبل بس كنت اقول لا لا الامر بسيط) قالت الدكتوره راح ابدا معك كورس علاجي مدته ثلاث شهور في اول شهر تكون نسبة الحمل 40 بالميه وثاني شهر 70 وثالث شهر 100 بالميه بااذن الله بديت اول شهر وللاسف جتني الدوره كنت اخذ كلوميد وابره تفجيريه والشهر الثاني نفس الشي والشهر الثالث نفس الشي (تعبت نفسيتي وكل هموم الدنيا على راسي ورجعت اتذكر كلامي قبل وحسيت ربي يمكن غضب علي بس كنت اقول لا لا عادي وتصير خصوصا اني اخذت مانع )قالت لي الدكتوره خلي زوجك يسوي تحليل سوا زوجي تحليل وطلع سليم بااذن الله بعدين قالت لي سوي اشعه صبغيه وسويتها والله يابنات تألمت الم ماتتخيلونه حسيت اني ابموت ولاحظوا ان الاشعه تكون بااخر يوم في الدوره يعني يكون الرحم اصلن تعبان والله يابنات نزفت ووصخت نفسي من شدة الالم بس تحملت بس جاتني صدمه قويه الله لايفجعكم قالت لي دكتورة الاشعه انتي رحمك مشوه انهرت وحسيت الدنيا كلها ماتسوا شي ورحت لدكتورتي ركض والله يابنات اني من شدة الالم والصدمه منسدحه في انتظار النساء ماقويت اوقف من الالم والصدمه وكانت مشغوله مره لان عندها زحمه وحصلتها في السيب شوي وابوس يدها تشوف اشعتي قالت انتظري وانتظرت يابنات وانا بااموت من الالم لما دخلت عليها قالت ان الرحم عندي مشوه صدق قلت كيف قالت شكله قلب والرحم الطبيعي يكون مثل الكمثرى قلت يعني ماراح احمل قالت الا ان شاءالله كل شي بيد الله بس لازم نسوي مسحه من عنق الرحم بعد الجماع رجعت بيتي وانا ماادري انا في حلم والا علم عرفت اني اغضبت الله واستهزأت بشي من قدرة الله وعظمته لان هالحريم مو بيدهم يحملون ولا بيدي انا اني مااحمل كل شي باارادة الله وحده قعدت يابنات مصدومه وحزينه ولااكلم احد في بيتي تقولون ميت لي احد حتى مع زوجي ابكي وحزينه وتغير كل شي في نظري قلت لازم اكمل واشوف والله يغفر لي ويمن علي واحمل سويت المسحه وانتظرت الدكتوره تقولي وش صار وهينا جاتني الصدمه الثانيه قالت لي ان الافرازات الي تخرج مني تقتل الحيوانات المنويه علشان كذا ماتوصل للبويضه والدليل اني اخذت منشط وابر تفجير ومع ذلك ما حملت لان الحيوان يموت قبل مايوصل الرحم قلت والعلاج قالت مافيه علاج لك عندي طلعت من عندها ماادري وش اسوي وين اروح بس قلت استغفر الله من قلبي والله والله والله اني كل مااتذكر كلامي استغفر من قلبي صدق مو زي اي استغفار طلعت وكنت مذهوله قاعده ببيتي ومااكلم احد حتى اهلي مااروح لهم ولاارد على مكالمتهم وكملت بهذا الوقت سنتين قرر زوجي يرسل اوراقي لبريطانيا وارسلناها وخلال هالوقت رحت للحبيب قالت الدكتوره انوه هالنوع من حالات تأخر الحمل مايفيد معها الا التلقيح الصناعي طلعت من عندها ورحت لدكتوره خامسه وسادسه وسابعه والثلاث الاخيرات قالوا لي انوه تأخر الحمل الي اعاني منه غير مفسر يعني ماله سبب معين نقدر نعالجه وغير كذا اكتشفوا ان عندي اورام داخل الرحم وفي جداره وخارجه ماتتخيلون النفسيه والصدمه والذهول والتعب وكل امراض الدنيا فيني حتى اهلي لاحظوا بس ماعلمت احد تبويض ضعيف ورحم مشوه و الحيوانات المنويه تقتل باافراز مني ولاتصل للبويضه في الرحم واورام وفي الاخير تأخر للحمل مو مفسر يعني من كثرت الصدمات جاني تبلدوماصرت ابكي زي اول بعدها قررت اروح لربي وادعيه واستغفره عسى يتوب علي وماادخل بسبب هالضحك والاستهزأ جهنم والا عقاب الدنيا هين وقفت علاجي في المستشفيات وجلست ببيتي اصلي وادعي ورحت عمره ورجعت وقررت الحج والحمدلله ربي كتب لي الحج السنه الي فاتت كنت ادعي من قلب انه يتوب علي ويجعل دليل قبول توبتي الحمل قابلت في الحج اخوات الله يذكرهم بالخير منهم وحده قالت لي ادعي ربي بس حطي في بالك انك اذا ماحملتي فاالله اراد لك الخير ويوم عرفه من بعد العصر فرشت سجادتي ووقفت بين يد ربي حبيبي دعيت ودعيت الين اذن المغرب والله يابنات كنت بعد ماخلصت ارتب سجادتي وانا متيقنه اني بقوة الله وقدرته علي وعلى جميع خلقه بااحمل مع كل المشاكل الي عندي والله والله هي مره وحده جتني الدوره بعد الحج وبعدها حملت فرحت كثير مو علشان الحمل وبس لا لاني حسيت ان ربي غفر لي وحملت وقبل دعوتي في الحج
صح سقطت:( بعدها وحزنت بس الله معي ومثل ماحملت اول مره بااذن الله بااحمل مره ثانيه وثالثه ورابعه وعاشره ان شاءالله وكملت ثلاث سنوات وانا ماصرت ماما
بااقول كلمه لكل وحده تأخر حملها اصبري وادعي ربي وحده واعملي بالاسباب
وكلمه لكل وحده تقول ماابي احمل سواء كانت عروس تنتبه لكل كلمه تقولها بعدين تصير مثلي تدور الحمل وماتحصله
وكلمه لكل ام عندها عيال وتزعل اذا حملت والا تاخر الحمل بدون داعي لان الله قادر انه يأخذ اولادك مثل مااعطاك وتصيرين تتمنين الاطفال
وكلمه لكل اخواتي في عالم حواء كتبت هالمجلد علشان تستفيدون وتفيدون الي حولكم وعلشان تأخذون العضه والعبره وماتكونون مثلي عبره
واخيرا ادعولي احمل هالشهر لاني قررت اسوي تلقيح صناعي وسلامتكم:26:
مسلمه الحمدلله @mslmh_alhmdllh
عضوة فعالة
يلزم عليك تسجيل الدخول أولًا لكتابة تعليق.
الله يعوضك عن اللي فقدتيه يارب بتؤاام يملون حياتك
ربي ييسر امورك ويفرح قلبك عاجلآ انه قادر على كل شي
ربي ييسر امورك ويفرح قلبك عاجلآ انه قادر على كل شي
من جد قصتك مؤثره ياااااااااااااارب ياحي ياقيوم ياقادر يامقتدر ارزق اختنا الكريمه الحمل السليم ويسر لها وفرحها برؤية طفلها بين يديها سليما معافى يارب العالمين
دعواتك لي بالولد الصالح السليم المعافى
دعواتك لي بالولد الصالح السليم المعافى
MANAWI
•
الله يرزقك الذرية الصالحة .. وجميع من يتمنون ذلك عاجلا غير اجل ,, يا الله ارزقها ضعف ما تتمنى
الصفحة الأخيرة
وليه ما تجربين تروحين عند ممرخه شاطره اعرف وحده خسرت 30000الف على المستشفيات وبالاخير راحت لممرخه ودهنتها وحملت من ثاني دورة
وعليك بقراءة سورة البقره كامله بتدبر يوميا وباذن الله تشوفين ما يسرك