اقرئيها .. ثم ارسليها في جميع المواضيع اللتي تشإهدينهـإ .. صدقيني راح تروحين وتنسينها لكن ستفاجئك يوم الدين بكثرة حسناتها .. سبحان الله وبحمده عدد خلقه ورضا نفسه وزنة عرشه ومداد كلماته استغفرالله ، استغفرالله استغفرالله ، استغفرالله " اللهم صل على محمد عدد ماذكره الذاكرون وغفل عن ذكره الغافلون : اللهم صل على محمد ماأختلف الليل والنهار : اللهم صل على محمد عدد المهاجرين والانصار : اللهم اجعلها صدقه جاريه لي ولوالدي ولجميع موتى المسلمين ولمن قرئتهاا ولمن ارسلتها  

شوفي حبيبتي أقولها لك وعن تجربه أهزلي نفسك تماماً عنهم أكلك سويه وخذيه لغرفتك وممكن حتى لو ظروفك صعبه تدبرين نفسك اشتريلك غلايه صغيره وشاهي وسكر وخبز وجبن وشوي بساكيت وخليهم عندك في احد إدراج الغرفه وخلي عندك ثلاجه صغيره للمويه والاكل وعادي حبيبتي الغرفه الثانيه موب لازم يصير فيها اثاث حطي تلفزيون ومده ومركى ان شاء الله وراتبيها اذا فيها اغراض حطيهم على جنب وخلي جهه تجلسين فيها واشتري راحة راسك لاتطلعين الا لام زوجك اجلسي معها وتقهوي انتي وياها وسولفي معها ساعه وارجعي لغرفتك اما سلفتك فأنتي الحين لازم تجزمين قولي لها لو سمحتي انتي وزوجك مالكم دخل في حياتي أنا حره البس الي ابي اسوي الي ابي بوليانا زوجك حكمه على زوجته أنا ماله دخل فيني وقولي لزوجك هالكلام واخو زوجك ماله اي دخل فيك وكذالك قولي هالكلام لام زوجك وبعدها خلي سلفتك مثل الجدار كنك ماتشوفينها وخليك مره مره مره رسميه معها وحتى زوجها اتركيه اذا شفتيه يضرب ولدك خذي ولدك وادخلي انتي وياه لغرفتكم ورمي عليه كلمه تقهره وانتي رايحه لغرفتك وببرود والله تقهرين سلفتك لانها هي الي تسبب المشاكل وخلي اكثر وقتك في غرفتك واكسبي يختي الراحه والعافيه ويوم الجمعه اجلسي معهم بس خليك رسميه مررره وكلامك قليل مره وأما من ناحية انك مو من بلدها فاماعليك منها الكلاب تنبح والقافله تسير مادامك عاجبه زوجك مااحد له دخل والي سويتيه له انك مااخذتي منه مهر هاذا يزيدك شرف لانك بنت اصل وقدرتي وهاذا أكيد مكبرك في عيون زوجك انتي اهم شي عندك زوجك وكل الباقي دخليه من إذن وطلعيه من الاذن الثانيه أنا كنت زيك كذا حساسه وبعدين شريت راحتي وحتى في البيت كنت مع سلفاتي ووحده من سلفاتي تدور المشاكل بالمنقاش وفي المطبخ بالذات قمت استقليت بنفسي وشريت راحتي الين قدر زوجي يسويلي شقه كامله مستقله صح هي في نفس البيت بس لي مطبخي ومواعيني وثلاجتي ومحد له اي شي فيها الحمد الله صرت ماانزل الا اذا اجتمعو مره في الاسبوع وباقي الاسبوع فوق طول يومي غير أني الحين اقدر البس الي ابي في شقتي اكل الي ابي اطبخ الي ابي محد له دخل فيني وقبل كنت زيك كذا غرفتين ودورة مياه بس كان عندي ثلاجه صغيره وغلايه وتلفزيون وحتى التلفون والنت بس ماكنت مأخذهم راحتي لانه كلنا في نفس الدور وازعاج غير انه باب غرفتي كان مقابل لدرج حتى مااقدر اغير ملابسي او البس الي ابي على راحتي مثل الحين حتى اذا ابي اكل لازم اغير والبس شرشف وانزل تحت يعني مافيه اي سقلال  

رب ضارة نافعه

والله لو منك ما اسكتله اجل يهين كرامتك وتشاورينا !!!
بعدين من الاساس الوحده ماتعطي احد من غير محارمها وجهه لانه بيحتقرها ولا راح يعمل لها اي حسساب

الله يفرج همك