بسم الله الرحمن الرحيم
و الصلاة و السلام على خير الانبياء و المرسلين
كيف الحال بنوتات و حريمات و مشرفات عسا الكل بخير و يجعلنا من قوام العشر يارب و يبلغنا ليلة القدر و يزوج كل البنوتات و يعطي الكل يارب
الصراحه فيه حركه كثير تبط كبدي النفاس بالمستشفى وشوله؟ شالمعنى يعني؟
وشو المقصد؟ يعني عندنا خير وولدنا بنتنا بمستشفى خاص؟
ولا مالهم خلق يسوون استقبال و يوجبون الناس و يجيبون عصاير و موالح و حلويات ولا وش السالفه؟
بتقولون موضه بس وراها سبب ياناس
يعني ما اتصور واحده توها والده و عذرا على الكلمه بس كلنا عيال قرية و يعرف اخيه
المره تخرخر و رحمها يصب دم و نفسه تدرون يعني وش نفسه
يعني امهاتنا يقولون لازم حتى حاجتها ونتو بكرامه تقضيها قريب من سريرها ما تتحرك كثير
تلبس ملفع لا يحوشها الهوا و يضر رحمها و جسمها
تتغطى عدل تاكل اكل خاص تاخذ لهوم النفاس
نفسه يعني روح اطلعت من روح
و الي اشوفه العكس تماما
الوالده و احيانا شق بطن الله يعين و تلبس احسن الدراعات
و تهتم لتسريحة شعرها و ببشرتها و مفرش السرير غالي
و ياجرون صبابات و الغرفه مليانه حريم و الاكسجين مخلص
و مافيه مكان و الحريم متراصصات لدرجة يقعدون فوق الطاولة هم والورد سوا
و ضيقه و كتمه و الوالده بالعه ا لموس بس ساكته
و نفس الاسئلة تتكرر من ولدك و كم جبتي و شق بطن ولا طبيعي وشلون المستشفى
و الخ الخ
ولا الاستقبال من العصر لين وقت مو هين باليل
بالله عليكم احلفكم بالله وين العقل
صحتنا مو بكره الله تعالى بيحاسبنا عليها
نفسه و جسمها قاعد يفقد دم و تتسنع حق الناس
بدال ما تنام و ترتاح و الكل يخدمها و يخاف عليها من النسمه
و الادهي ما تقدر تتعشى الا بعد ما يروحون
يعني يظل الجوع ذابحها و الزحمه عليها ما ترتاح و تحط راسها على المخده الا لما يطلعون
تقوم و تغير دراعتها و تلبس قميص نوم مريح و ساعتها تحس انها نفاس
و الام تلم الحلويات و الهدايا
اقول لاحقين الدنيا ماهي طايره
الناس موجودين و الاسواق موجوده ريحو بنتكم حبا بالله
ما الوم البعض اذا حط شاشات بالمستشفى
ولا الوم الناس اذا راحو زارو بالمستشفى
ان ما راحو صارت مشكله لانها صايره موضه
سبحان الله كثير اشياء نغيرها عشان نضر روحنا ولا نغير روحنا عشان نستفيد من حياتنا
بس ارجع و اقول فهموني المغزى ليه بالمستشفى ماعندهم بيوت:26:
حبيت اضيف اضافه الشرع له حكمه ان النفاس 40 يوم الغالب يعني
فسبحان الله العاقل يتبر بالمواقيت و الاوقام بشريعتنا
يعني بدال لا الام تطبخ الاكل الخاص للنفسه لبنتها تهتم باستقبال الضيوف وشراح تلبس
و الجزمه ونتو بكرامه لازم تناسب التايور الاخوات يفكرون وش راح يلبسون
يعني الاهتمام بالمظاهر و الشكليات على حساب الصحة
عندكم 40 يوم زهبو كشختهم على كيفكم بس الله الله بالصحه
و مو قصدي لا تولدون بالمستفى الحمد لله الكثيرين شايفين خير بس الي بترد بارك الله فيها
تفهمني زين وشو السر؟ يعني مثلا بكر و بتفرح
طيب البيت احلى و اكبر و اكشخ
حتى الناس بيرتاحون بالبيت مو بغرفه كلها زحمه
و الف حب لكل من راي يخالف راي
شاهه2 @shahh2
محررة
يلزم عليك تسجيل الدخول أولًا لكتابة تعليق.
كل واحد على كيفه
و بعدين هذي فرحتهم ...
اللي تبغا تعمل كدا وعندهم فلوس ومرتاحين يعملوا ..
واللي ما يقدروا ويشوفوها تبذير لا يعملوا
وكل واحد يمد رجليه على قد لحاف ..
احنا مو من حقنا اننا ننتقد النااس ..
والله يوفق الجميع لما يحبه ويرضاه ..
و بعدين هذي فرحتهم ...
اللي تبغا تعمل كدا وعندهم فلوس ومرتاحين يعملوا ..
واللي ما يقدروا ويشوفوها تبذير لا يعملوا
وكل واحد يمد رجليه على قد لحاف ..
احنا مو من حقنا اننا ننتقد النااس ..
والله يوفق الجميع لما يحبه ويرضاه ..
شاهه2
•
هههههههههه عادي نظااااام حريني وانا احرك هذي سوالف الحرييم مو الكل البعض ويمكن لها البكر تبي تتدلع عادي انتي امكبرة الموضووع زياده عن اللزوووم هههههههههه عادي نظااااام حريني وانا احرك هذي سوالف الحرييم مو الكل البعض ويمكن لها البكر تبي...
مو مسالة مكبره الموضوع لكن النفاس مو 40 يوم ليه الاستعجال
شاهه2
•
كل واحد على كيفه و بعدين هذي فرحتهم ... اللي تبغا تعمل كدا وعندهم فلوس ومرتاحين يعملوا .. واللي ما يقدروا ويشوفوها تبذير لا يعملوا وكل واحد يمد رجليه على قد لحاف .. احنا مو من حقنا اننا ننتقد النااس .. والله يوفق الجميع لما يحبه ويرضاه ..كل واحد على كيفه و بعدين هذي فرحتهم ... اللي تبغا تعمل كدا وعندهم فلوس ومرتاحين يعملوا .. ...
موضوعي عن الاهتمام بصحة الوالده ما يهمني فلوس ولا عدمه
الحمد لله الكثيرين عندهم خير و يسوونه بالبيت
اقصد ليه الناس تغيرت افكارها ما عادت على اصول قبل
يعني شي فيه الصحه المفروض نراعي فيه اجسامنا
الحمد لله الكثيرين عندهم خير و يسوونه بالبيت
اقصد ليه الناس تغيرت افكارها ما عادت على اصول قبل
يعني شي فيه الصحه المفروض نراعي فيه اجسامنا
الناس طبقات عني مااحب هالحركه بس اهي اكثر شي يسونها اهل منطقه معينه لانهم يحبون المظاهر
لاوبشرك بعد ترى النفاس لها اوقات للزياره مثل الجمعه والسبت عشان التسريحه والله اني صادقه
الله يعينهم صح تلبس ومفرش طقم هي والبزر وروبها طقم وحلويات ودلع بس بالبيت
استغفر الله العلي العظيم التواب الرحيم
لاوبشرك بعد ترى النفاس لها اوقات للزياره مثل الجمعه والسبت عشان التسريحه والله اني صادقه
الله يعينهم صح تلبس ومفرش طقم هي والبزر وروبها طقم وحلويات ودلع بس بالبيت
استغفر الله العلي العظيم التواب الرحيم
الصفحة الأخيرة
ويمكن لها البكر تبي تتدلع عادي انتي امكبرة الموضووع زياده عن اللزوووم