ضربتني بخاتمها وانكسر اصبعي..مسامحتها دنيا وآخره..

هلا بنات

البارح كنت في المستشفى بنتي مرتفعه درجة حرارتها الله يشفيها يارب

دخلت استراحت الحريم وكانت زحممممه ووقفت ادور لي مكان استراتيجي

دايم اختياري للمكان تكون الام نظيفه وطفلها مايكون يكح او يرجع عشان بنتي اعرفها بتقعد تلعب معاه

وجلست بجنب وحده الله يذكرها بالخير كانت بنوتتها مرتفعه حرارتها ونادو عليها بالمايك وراحت جو العيادات

وجلست بجنبي وحده وكان معاها ولدها يمكن عمره خمس او ست سنوات وكان طفلها عمره ست شهور فيه نزله معويه..

وقعدت تسولف معاي وانا مالي خلق اسولف ماشاء الله عليها رايقه لسوالف شوي بس وتقول شنو تعشيتو!!

كثيييره اسألتها الله يعفي عني وعنها..

وكان بجنبنا استراحت الرجال.

هي اصلا كانت موجوده قبلي وكانت جالسه بكرسي ثاني ومسولفه مع وحده..

المشهد اللي صار..

ولدها حليو وفرفوش وكان يلعب وينطنط ويروح لاستراحات الرجال ويرجع وكان ملقوف شوي وسبب ازعاج

وكانت تقول اجلس يامحمد

يامحمد اجلس وهو لاهي ولا هامه

وتقول له بغضب كانت صاكه سنونها وفاتحه افمه اجلس يامحمد خلاص قفلت معاها

والحريم كانو يسولفون وصرخت محمممممد ياكلـ ياملعـ طوطوطوطو كلام مشفر والحريم سكتوا خافو وعلى رؤؤسهم علامات تعجب!!

وكان يجي وهو يرتجف ويبوس اصبعه خلاص ياامي خلاص توبه

قالت تعال بمسكك تعال ومسكين يجي لمها وتمسكه

وكان تطرحه بــ الارض على السيراميك وتسحبه لم رجولها الكلام ذا وهي جالسه وتضربه على راسه طع طع وهو يصرخ اه اه ياامي خلاص وتشيله وتضرب فيه السيراميك وضرب على راسه كانت لابسه خاتم وتضربه بالخاتم

وانا من شفت الخاتم وافزع له كنت جالسه بجنبها قلت خلاص تعوذي من ابليس قالت يارب يموت قلت الله نازل لسماء الدنيا ادعي بصلاحه كان ترفع ايدها ببتصكه على راسه واحط ايدي على راسه واتلقى الضربه القاضيه طع اي اي ياصبعي..انتهى المشهد

وتقوم وتروح للعيادات

الكلام اعلاه كل الحريم بـ الاستراحه ساكتات مافيهم اللي قامت واخذت الولد او تكلمت

بس طلعت بد الحش

وحده تقول عسى ايدها للكسر

قالت الثانيه هي جالسه بجنبي وتقول ابوهم مطلقها

والثانيه تقول ضربها ضرب يهودي لعياله

قلت بصوت عالي الله يهديكن ويهديها ليش ماقلتو الكلام ذا بوجه

بنات اصبعي الاوسط منكسر ومجبرينه ياقوى ضربتها الحمدالله انا اللي انضربت مو راس ولدها كان هشمته

طبعن هي ماتدري انه اكسرت اصبعي بس الله يسامحها ويبيحها


مايستفاد ..

+لازم تهتمين في نظافة عباتك ومظهر اطفالك

+لاتسولفين مع الحريم وتزعجينهن ب الاسئله وتعطينهن اسرارك

+ربي عيالك صح في البيت تجنين ثمارها اذا كنتي خارج البيت<<حلوه الجمله ذي مدري شلون طلعت

+لاتضربين عيالك قدام الناس ولا ترفعين صوتك ف الاماكن العامه

+امسكي لسانك وكوني محضر خير بس مو تفزعين مثل فزعتي فزعتي انكسر فيها اصبعي افزعي بحدود المعقول بس لاتهايطين مثلي..