كوبونات الراقية تسجيل الدخول

مسلمه الحمدلله

ضربتها بالريموت على وجهها

الأسرة والمجتمع •

السلام عليكم ورحمة الله وبركاته
يابنات فيه قريبه لزوجي ساكنه بجنبي في نفس الحوش تقريبا وعند قريبته هذي بنتين وحده عمرها 14 ووحده عمرها 10 سنوات انا ماعندي اطفال ودايم يجون عندي تصير منهم بعض الحركات تضايقني بس مااقدر اقول شي علشان زوجي وخصوصا من البنت الصغيره
دايم تمد يدها علي تضربني وهي ماشاء الله فيها صحه تخيلوا تضربني كف وتقرصني وتلطشني ودايم انبهها واقول لاتمدين يدك ودايم تقول امزح معك قدام اختها وقدام زوجي ودايم زوجي ينبهها بس مافي فايده حتى قدام الناس تشد شعري والا تحذف علي شي وانحرج مره وكنت ماابي ازعل زوجي ولا ازعل امها بحكم القرابه الي بينها وبين زوجي الي صار قبل اربع ايام جت عندي هي واختها واختها جالسه على لاب توب وهي قاعده ماتسوي شي وانا اقلب في التلفزيون زهقت وجت بتطلع مرت من عندي ومدت يدها وقرصتني بقوه في اذني وشدت شعري قلت لها كم مره اقولك لاتمدين يدك ولا همها مسكت يدها ووخرتها عني مسكت يدي وخربشت على يدي بااظافرها جيت طقيتها بالريموت بخفيف ابيها توخر يدها اوجعتني مدت يدها وصفقتني بقوه على وجهي ودخلت اظافرها على وجهي طبعا اختها ماكانت منتبهه لانها حاطه سماعات ولاب توب على وجهها انا بدون شعور مني صفقتها بالريموت على وجهها الين انكسر وانتبهت اختها وقامت قالت ضربتيها على وجهها قلت تستاهل هي بعد مدت يدها طبعا البنت قامت تصايح وتبكي ولو اختها مانزلتها كان كملت علي المهم طلعوا من عندي وجاء زوجي وقلت له قال تستاهل الي جاها قلت لزوجي اني ماابي امها تزعل وهي الله يهديها زودتها قال زوجي كان حسبتي حساب هالشي المهم طلع زوجي الا واخو البنت الكبير بالجامعه ينادي زوجي ويقول شفت زوجتك وش سوت قال زوجي ايه وتستاهل الي جاها بعدها اسمع صوتهم كلهم يتهاوشون مع زوجي وبعدها الظاهر زوجي طلع يصلي فدقت امها وقالت لي خير تضربينها اعتبريها بنتك تلعب معك انتي بزره اهلك ربوك على كذا وسكرت بوجهي وماعطتني فرصه اقولها شي المهم بالليل جاء زوجي لانه كان معزوم وقالي مفروض ماسويتي كذا ومن هالكلام قلت ياحبيبي شوف وجهي يابنات يصب دم من وجهي وفي يدي بعد زوجي يوم شافني كذا قال دقي على بنتها الكبيره متزوجه(اخت البنت الكبيره ) وقولي لها تجي لانها كانت عند اهلها كلمت البنت وجت وعلمتها وبكيت من قهري البنت جت حبت راسي وقالت اانا اسفه واختي فيها عداء وشكلها مريضه وانا ادري انها تقل حياها ومن هالكلام قلت لها علشان زوجي ماعندي مانع اعتذر لامك اذا مديت يدي على اختك بدون قصد بس علشان تفك يدها من وجهي والبنت كانت متفهمه مره هي واختها الي عمرها 14 المهم زوجي قالي روحي لها ووضحي لها الامر قلت عادي دقت امس علي وقالت تعالي ورحت لها قالت لي انا اسفه وماكنت ادري وش السالفه وانفعلت ومحد قالي وش الي صاروانا اعتذر لك انا قلت لها اوكي بس انتي ماعطيتيني فرصه اكلمك واعلمك المهم قعدت تعتذر ورحت لبيتي وانا مازلت منقهره منهم كلهم ولا رضيت ابد وش رايكم يابنات وجهي مشوه من بنتها المريضه ويدي وهي اعتذرت وتبي العلاقه ترجع زي اول وانا ماابي كلمتني قبل شوي تعزمني على الفطور لاني صايمه ورديت عليها بكل برود بعكس اسلوبي معها مره منقهره وش رايكم لو انتوا مكااني وش اسوي وكيف ارد اعتباري لاني ماتناقشت معها بااي شي بس اعتذرت ورحت انا للبيت :44::44::44::44:
114
12K

يلزم عليك تسجيل الدخول أولًا لكتابة تعليق.

تسجيل دخول

بآتوٌنْيآ
بآتوٌنْيآ •
وعليكم السلام ورحمة الله وبركاتةة

عادي رجع المياه لمجاريها

ربي يشرح صدرك ي رب
بآتوٌنْيآ
بآتوٌنْيآ •
^
^
ذبحني غلاك معليةة اصراحةة غلطانةة بكلامك حلو الجمعةة وتصافي القلوب
والرسميةة مع الغرب مو مع القرايب
اتمنى تتقبلي كلامي بصدر رحب
bnsak 333
bnsak 333 •
رائي أختك تصير زي كذا أنسي اللي صار قلتي مريضة الام رجعت وأعتذرت خلاص فيها خير اه لو أنظلمتي وش راح بيكون ردة فعلك لان الناس بيقول ضربت بنت صغيره بس هنا وضحتي بكلامك السالفة ماتزعلي وأنسي وخيراعشان البنت ما توطوط بيتك
مسلمه الحمدلله
مسلمه الحمدلله •
والله هي وكل البرزان مااعطيهم وجهه بس هالبنت حتى لو ماتجين عندها حتى لو ماتكلمينها حتى والله لماتشوفني بعزيمه ومكشخه ولابسه زين تبي تخرب علي ترمي علي الحلا تشرب المويه وتكب الباقي في وجهي وامها والله مااظلمها تكسرها ضرب وماتسمح لها تسوي كذا وهي ماهي مريضه لان هالطريقه تسويها معي انا بس
الحياة أجمل
الحياة أجمل •
استغفر الله
استغفر الله استغفر الله
استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله استغفر الله
استغفر الله
استغفر الله
استغفر الله
استغفر الله
استغفر الله