أختي ضربك له غلط غلط غلط أنتي بكذا تزيدين الحاله سوء والله العظيم كلما ضربتيه أو بقصتيه أو شديتي شعره أو عبستي في وجهه حتى بيحس أنك ماتحبينه علشان كذا يسوي حركات الدلع هاذي يبغى يقولك أنا موجود يالله تعالي غطيني لبسيني أكليني سرحي شعري ألعبي معي باجلس بحضنك هذا كله يبغاك تحبينه بالقوه أنتي إذا ضربتيه تظهرين كرهك له هو طفل وهذا تفكيره وبعدين الدلع مب غلط علشان تعاقبينه عليه الدلع الزايد حاله نفسيه المفروض تعالجينها لا تتوقعين أتكلم من فراغ ترا عندي وعندك خير ولدي عمره أربع سنوات ونص يعني قريب من ولدك عنده تريبا نفس الحركات بعد الولود الثاني بس أنا وكل اللي في البيت على طول مدح فيه مدح مدح مدح توقعته بيمل من المدح بس لا مبسوط ودايم أناديه يجلس في حضني مع أنه أول مايلغى بس الحين لصقه وزيك تجيني حالات أعصب ويرتفع ضغطي بس أحاول أتلافى الطق لأنه بيزيد الطين بله ذكرتيني بولدي إذا جا في ملابسه نقطة مويه صياح لين يغير والأكل لازم أوكله أنتي جربي (أنتي جربي أي شي تسوينه لوادك الصغير سويه له ضحكتي لذاك أضحكي له جلس في حضنك ناديه هو بعد يجلس في حضنك ضميه. وضمي أخوه بعده وهو جالس تعمدي تامرين الصغير يجيب لك أي حاجه أكثري من مدحه ومدح أخوه خليهم سوا في كل شي لا تسويين بينهم مقارنه أبدا أبداً الايباد لا تاخذينه منه إلا إذا سوى شي غلط يعني مثلاً كب زباله حاس الكنبات قولي هذا عقاب لك لأنك سويت كذا أما تعاقبينه لأنه دلوع ماينفع هو في قرارة نفسه مقتنع أنه ماسوى غلط وأنك تعاقبينه بدون سبب وتكرهينه وبيحاول يسحب الحب والحنيه منك بالغصب عن طريق الدلع وأنتي بتعصبين وتضربينه وهكذا والنتيجه ولد معقد منالضرب اللي في رأيه بدون سببب أنصحك تحطين لوحه في الجدار وتقولين إذا شفتك تاكل بنفسك بحطلك نجمه وإذا شفتك تغطي نفسك قبل النوم بحطلك نجمه وإذ اجمعت عشر نجمات بشتري لك جائزه شوفي وش ردة فعله. جربي الي قلت لك ماراح تشوفين النتيجه على طول يمكن أسبوع يمكن شهر يمكن أشهر بس أرجوك أختي إلا الضرب والكلام الجارح ترا له أثر سيء (كسلان بليد غبي )ابعدي عنها والضرب إلغيه من حياتك إلا إذا كمتي تبغين الحاله تزود ولدي يبكي من أتفه سبب حتى لو قلت ايش تسوي كذا غلط اللي سويته حساس مره يمك ولدك مثله. عذراًعلى الإطاله

وووووووه فديييتيه حبيته هالوووولد
ارسليه لي ههههه الله يحفظه لك يارب
والله انا عندي ولدي عمره 4ونص يطفشني بس مو مره اذا طفشني اخذت الايباد وخبيته يصيح بعدين يسكت
الله يصلححهم يارب

حبيبتي نصيحه مني ترا ولدك سبب الي فيه منالايباد شيليه منه شهر وشوفي واذاطلبه قولي عند المصلح

ولدك يبي حنان و اهتمام .. اجلسي معه و العبي معه