لاحول ولاقوة الا بالله


انما الحلم بالتحلم والعلم بالتعلم ومن يتصبر يصبره الله .. حديث شريف

ولدك امانه في رقبتك ومسؤوله عنه
فأحسني تعامله واقرئي كتب عن التربيه بدل الحبوب اللي مالها مبرر
كلنا عصبيين ومكروفين وووو بس عيالنا اهم من اي شئ ثاني

انتي قلتي قعدتي ربع ساعه بالغرفه الثانيه وولدك يبكي
طيب ليش ماقعدتي عنده دام كذا كذا قاعده ..

وحده امي تعرفها دايم عصبيه على عيالها وهي اللي تعترف بكذا
عندها ولدين وبنت الحين الولدين متزوجين
تقول لأمي خربت شخصيتهم ماعندهم شخصيه ابد وحريمهم اللي يمشونهم وهم ماتطلع منهم كلمة لا ومزعزعين

فانتبهي تداركي ولدك لسه صغير
كل مابغيتي تضربينه او تصارخين عليه استغفري ، تعوذي من ابليس ، غمضي عيونك وراح ينسحب غضبك
بالرحمة واللطف تبنين شخصيته والهواش والضرب تهدمينها
وانتي تذكري كل ما هاوشتي اعرفي شخصيته تتدمر وكل ماحضنتيه وضحكتي معه نفسيته تزبط

واخيرا
كلكم راع وكلكم مسؤول عن رعيته

لا اله الا الله ...

رنيم الحمد لله على سلامة ولدك
مؤذه انتي انسانه رائعه وام حنون والدليل انك مستعده تاخذين اي حبوب بس عشان ولدك
الله يحفظه ويخليه لك ويرزقك بره
حبيبتي انتي اكيد عندك ضغوط في الحياه وصعبه وانتي تفرغينها في ولدك ادري غصب عنك
واصلا ترى مافيه احد بيحب ولدك ويخاف عليه اكثر منك
عزيزتي اذا تأكلين حبوب منع ترى تزيد العصبيه وخاصه مع الضغوط الله لايوريك اسألني عنها خذي مانع غيرها
تكيفي مع حياتك وضغوطك شغل البيت ماصلحتيه اليوم يمدي عليه بكره
خلي بين عيونك ولدك تراه ضعيف ماله حيله وانتي مصدر الامان له
ابدي حبه حبه واهم شي وقت النوم خذيه لغرفته ممكن تقرين قصه او مجرد بس تقولين له كلمات تشجيعيه زي انت بطل اليوم انا اسعد ام لانك ولدي زي كذا واهم شي الللمسه الحنون من يدك وشغلي عنده سوره البقره ونور خافت وابقي عنده لحد ماينام شوي شوي لما يحس بلامان وينام لوحده
صرخة طفلك اللي قلتي عليها هي تعبير عن حاجته لك عاش داخلك تسع شهور انتي حضنه انتي امه
والله وانا كبيره وام ما استغني عن حضن امي خاصه عندالنوم تحسين بامان فما بالك بطفل
والله يرزقك بره

شوفي حبيبتي انا دايما اردد العلم بالتعلم والحلم بالتحلم

يعني بيدك تكونين حليمه وصبورة بالتدريج حتى تكون طبيعة فيك

ومانصحك بالمهدئات لان انتي الحمدلله طيبه وماتحتاجين الا لضبط اعصاب فقط

الله يعينك ويشرح صدرك ياااارب

أش فيها لو حضنتيه ونمتي معاه استغرب من الحريم اللي يضربو أولادهم ويصرخو عليهم ذولي نعمه من ربي وانتي السبب لو صار فيه شي بكره يكبر وبيكون بينكم فجوه كبيره والسبب انتي احتويه وهو صغير بتكسبيه هذا طفل يأويلك من ربي كيف طاوعك قلبك تخلينه ينام وهو يبكي ليه بس عشان طلب تنامي معاه معليش بس بصراحه تنرفزت من أسلوبك لا تهزين ثقته بدل ما تقوينها هذا رأيي ......تحياتي

اللي حصل لولدي صدمة عصبية وهبوط بالدورة الدموية لشدة الخوف اللي عاشة ذيك اللحظة لما ضربته
وهذا تشخيش الدكتور
خلاص ما عاد يتحمل
أنا كنت مثلك كنت أقول غصب عني أنا عصبية
تعالي شوفيني الآن تغيرت كثييير بعد أزمة ولدي
تغيرت من غيييير حبوب مهدئة أو غيره
حسيت ان أزمة ولدي عقاب لي من رب رحيم
صدقيني اختي اصحي قبل لا تندمين
أنا الآن نظمت وقتي من نوم وشغل بيت ومن الأولويات راحة أولادي وتلبية حاجاتهم
قال صلى الله عليه وسلم (ليس منا من لم يرحم صغيرنا ولم يوقر كبيرنا )
غيرت اسلوب الضرب لولدي تصوري استبدلته بالدغدغة نعم نعم الدغدغة المضحكة هو ما يحبها
فإذا أزعج أو أخطأ يقول توووووووبة ياماما ما أعيدها وهويضحك الله يخليك لا تدغدغيني فما يعيدها ياعمري
أيضا صرت ألعب معهم في الحوش وصرت ألون معهم رسوماتهم وأحكيلهم بعض المواقف اللي تمر علي في الدوام وآخذ رأي ولدي في بعض أمور البيت هذا يساعد لرجوع ثقته بنفسه
وإذا كان عندك ضغوط ومشاكل لا تاثر حبيبتي على الأولاد لأنه مالهم ذنب
وتذكري عزيزتي الله وهبك نعمة الأولاد زينة الحياة الدنيا وغير كذا هم أمانة مسؤولين عن رعايتها أمام الله