ضربت بنتي!!أنبني ضميري ..تكفوووون ابغى رايكم...

بسم الله الرحمن الرحيم

خواتي الغاليات تكفووون شيروا علي والله اني طفشانه وزعلانه من نفسي وكمان من بنتي ..

بنتي في رابعه ابتدائي وجابت لي اليوم تقييمها للفتره الثالثه وكانت درجاتها نازله بالمره في مادة القران وهذي مو اول مره يعني الفتره الاولى والثانيه كانت درجاتها نازله بس وعدتني انها تذاكر مزبووط وهي ماتحب انو انا اسمع لها دايما لما اقول لها تعالي اسمع لك تزعل وتبكي وترفض واخر شي كلمت عمتها على اساس انها تروح لها تسمع لها القران وتم الاتفاق وصارت تروح لها وتقول لي سمعت وحفظت وانا صدقتها وفي الاخر جابت درجات توطي الراس ولما شفت الورقه بدون تفكير قعدت اهاوشها ولما ردت عليا قمت ضربتها وانا مو متعوده اضرب ابدا وهي كمان لانها مو متعوده اضربها قعدت تصارخ وتبكي وتحلف انها ماتذاكر وانا جاني بعد ماضربتها ودخلتها على غرتها تانيب ضمير وحسيت اني ببكي ..

تكفون عطوني رايكم هل انا غلطت لاني ضربتها؟؟
واش المفروض اسوي في هالموقف؟؟
وكيف اتدارك مستواها وارجعه زي اول ؟؟

البعض يقولوا لي خليها تعتمد على نفسها ولاتعوديها تكوني وراها في كل شي بس احسها ماتهتم ومستواها يقهرني ..

في الفتره الاخيره اكتشفت ان لها واحده من صاحباتها فلتانه الله يهديها ويهدي اهلها وبنتي تحكي لي كل شي فهذيك اقنعت بنتي بالغش يعني ارتاحي من المذاكره وغشي فلما قالت لي اقنعتها انه حرام ومايجوز ومن هالكلام وحسيت انها اقتنعت وكل يوم تقول سوالف ترفع الضغط عن هالبنت وانا حاولت ابعدها عنها وكرهتها فيها وصارت ماعاد تمشي معاها بس البنت متغيره علي من يوم عرفتها ولاقدرت ارجعها مثل اول ..

تكفون انصحوني هذي اكبر عيالي وفي كل صلاة ادعي ربي يعينني على تربيتهم والله تعبتني...

انتظركم تكفوووون ساعدوني الله يسعدكم ويصلح لكم عيالكم

تحياتي