ذكرتيني في اطفال صديقتي كذا كانو اذا جو بيتي يكسرونه الدرجة اذا صديقتي قالت بجيك اعتذر منها لا تجين تكفين والآن كبرو وعقلو وصارو يساعدون امهم

خففي عنها الشوكولاته والسكريات بصفه عامه تزيدهم طاقه وجيبي العاب تحركها زي دراجه عشان تتحرك وتتعب او سجليها بحضانه الله يكون بعونك قريبتي كذا عندها ولد مجننها دخلته حضانه تقول كل كم يوم اوديه مو يومي تقول انا اروق شوي وهو كمان يفرغ طاقته ويهجد

السلام عليكم ورحمة الله وبركاته


مقدرة وضعك ، وفاهمه انها مقيدتك لأنها ملازمتك ٢٤ ساعه
ماخذه وقتك ، وطاقتك ، وذهنك


ماجُعلت الجنة تحت أقدام الامهات عبث 🌷

ياغاليه..
بنتك أمانه عندك ..ستسألين عنها
ولك الحق إنك تأدبينها ، لكن الضرب اللي مايتلف..
فأنتِ أن ضربتيها ضرب مؤذي ..تسببتي لها بأمراض نفسيه مستقبلا، وعداوة معك إذا كبرت..


البنت كثيرة حركة ، قليلة نوم
هذي الأمور مو بإرادتها !!

خوذوها للمستشفى وافحصوها
يمكن عندها فرط حركه
او هذا عرض من أعراض مرض معين !!

افحصوها وعالجوها ترتاحون وهي ترتاح
الضرب مايحل مشاكل زي كذا !!

ونصيحة لك 💐🪻🌷
لاتفششين فيها
وسلي الله ان يعينك على حسن تربيتها ويصلحها لكم

راجعي وضعك معاها تراها طفله ماتفهم لحد الان عقلها ما أكتمل وهذا دورك كأم انك تدورين الحلول وماهي كريهه مثل ماقلتي وراح تتحسفين بكره اذا بنتك كبرت وذكرتك بين فتره وفتره انك كنتي تضربينها بالنعال صدقيني راح تغصين بالكلام في كل مره تسمعينها . اكيد انك تحبينها مافي شك في هذا الشي ولكن حكمي عقلك في التعامل معاها وتواصلي مع اخصائيين في كيفية التعامل مع طفلتك عشان تغيرين من نفسك وهي كذلك تتغير في السلوك..

سبحان الله يختلفون الاطفال
وهم من بطن واحد
طفل يجي مثل العسل
وطفل يتعب اهله
طفل ولادته سهله
وطفل عسره
الله يصلحهم
انصحك بالصبر والاستغفاركثري استغفار
وشوفي نصايح البنات ماقصروا