ضربت بنتي عشان إسم أختها

السلام عليكم ..

أولا ما أحلل اللي تنقل مشكلتي لأي برنامج تواصل انستقرام أو غيره ليوم الدين ..

بنات أنا لسه جبت بنوته وتوني نفاس ، أنا وأبوها اختلفنا ع اسمها لأنه سمى ابني بعد ما كان يقوللي ايش رأيك تسميه قلت له ايش بتسميه انت ؟ قال بإسم ابوي الله يرحمه .. قلت تمام خصوصا اسمه محمد وما اختلفت معه لأنه الإسم أكيد جميل واتفقنا اسماء البنات عليواسماء العيال عليه والحين لما جبت بنتي الثانية قلت له بسميها بإسم جديد وخفيف قال لا قد وعدت جدتي بسميها ع اسمها ، هذا الكلام كله وانا لسه ع سرير المستشفى .. قلت نعم ؟! من متى قررت ووعدت وانا آخر من يعلم قال خلاص وعدتها وكلمت الجماعه والأهل ، أنا هنا انجنيت ليش طيب،وانا ؟ مالي حق ومالي دور ؟ انا اخلف وهم يقرروا .. مع ان زوجي من النوع اللي يحترم المراءة بس ماادري ايش فيه .. قلت جدتك ع عيني وراسي بس هاذي بنتي ولي حق اسميها او ع الأقل تبلغني انك ودك تسميها بهالإسم .. طول شهور الحمل وهو مخبي علي هذا الكلام و اهله متفقين ويجون عندي واخدمهم وانا حامل بحمل مهدد بالسقوط واخدم الجده لأنها كثير طيوبه وتستاهل كل خير .. بس الإسم اللي اختاره مكرر كثير وكل اسره لازم عندهم هالإسم في كل بيت .. والله بكيت كثير لأني اتحومت ع الإسم اللي اخترته لما شفت من النت بنوته حلوه بهالإسم فقررت اسمي بنتي ريما ..
الحين زوجي سجل بنتي بالإسم اللي اختاره الله يهديه واهله لما جولي في نفاسي كانوا ينادوها بصوت عالي بهالإسم. . وانا اقولهم اسمها ريما وعلمت بنتي الكبيره ان اسمها اختها ريما .. لأن زوجي قال دلعيها بكيفك بالاسم اللي يعجبك.. وحتى لو ما قاللي انا اناديها كذا .. المهم صاروا أطفال العيله يضطهدوا بنتي الكبيره ويهددوها ويقاطعوها لمن تقول اسم اختي ريما ، وترجع مسكينه تغير كلامها لصفهم .. امس راحت لخالة زوجي وسألتها ايش سميتوا النونو قالت اسمها ريما .. وقامت ضربتها .. بنتي اليوم الصباح تقولي ودمعتها ع طرف عينها .. أنا ما صدقت بنتي الا لما كانت بتبكي لأنها ما تكذب واعرفها بس سألتها مليون مره عشان اتأكد ، والله الحين انا نفاس ومقهورة وقلبي يوجعني كثير ع بنتي .. وانكشفت هاذي ع حقيقتها حسبي الله ونعم الوكيل بس .. ايش اسوي الحين طلع الموضوع تحدي .. وكلمت جدته باننا اختلفنا بالأسماء قالت يا بنتي لك حق تسميها لأنك أمها .. اما بناتها محرضين زوجي .