ماعرفنا هذا طبعك من جيتي للدنيا ولا من تزوجتي متى بدأ هذا السلوك معك ؟

لان اكيد كل هالتعصيب وردات الفعل العنيفه ماجات من فراغ هذا كبت وتراكمات

خاصة انك في موضوعك وردودك تجلدين ذاتك ومانتي راضيه عن نفسك حتى عيالك مو راضيه عنهم

ليش كل هالجلد والضغط ؟ ليش ماتحبين نفسك ؟ ليش ماتحترمين نفسك ؟ ليش تعيبين على شكلك ؟

اذا تبين تنحل امورك ابدأي اصلحي ذاتك وصححي افكارك المغلوطه اتجاه نفسك

خلي بداخلك رضى وقناعه ومحبه لكل تفاصيلك بحلوها ومرها حبييييها من كل قلبك وتقبليها

لا يصير تقديرك واحترامك لنفسك مبني على جمال الشعر والبشره والجسم وحب فلان وفلانه لك !
لان كل هذي الامور مجرد قشور ومؤقته قابله للتغيير والزوال

صيري كيان مستقل وشخصيه قويه بثقتك بنفسك مو بمد اليد والعنف لان الضرب ضععععف وقلة حيله

تعلمي كيف تثقين في نفسك ولا تكسرك كلمه او نظره

انتي لك حق تعيشين بسعاده وتستمتعين وتتدلعين أياً كان شكلك ولونك وحجمك

اذا حبيتي نفسك واحترمي نفسك راح تتغير تصرفاتك ويتعدل سلوكك وينعكس على كل اللي حولك

واذا في شي مضايقك اجلسي مع نفسك حليه وابحثي له عن مخارج لا تتركينه متراكم بداخلك

والله ان كل اللي تسوينه راح يبقى محفور في عقول اطفالكم ونفسياتهم

تعلمي كيف تضبطين نفسك واعصابك

وتعلمي تختارين الوقت المناسب للنقاش مع زوجك بعيداً عن الاطفال

تذكري ان الحياه فيها ناس غيرك يشاركونك البيت ومجبوره تتعلمين تحترمينهم وماتسببين فوضى بعشوائياتك

اجلسي راجعي نفسك

اكتبي كل شي مضايقك على ورقه وفكري فيه ليش صار كذا وكيف ممكن اتفاداه مستقبلاً وكيف احله

واكيد بتوصلين لحلول مرضيه

انضجي !

تتوقعون عشان ما احب نفسي يصير تعاملي سيء و ما احد يحبني ؟

اذا مع نفسك عدائيه وردات فعلك عنيفه وتعيبين على نفسك اجل كيف تتعاملين مع الناس ؟
حبي نفسك واحترميها وتعاملي على هذا المبدأ انك تحترمين نفسك وتقدرينها وراح ينعكس عليك خارجياً
وقفي انتقادات وسلبيه
خلي افكارك كلها ايجابيه وكلمات تحفيز وتشجيع ومديح وحب لنفسك
ابحثي في صفاتك واسلوبك وتعاملك عن الايجابيات وامدحيها وافتخيري فيها
ابحثي عن مقالات بالنت عن تطوير الذات والوعي والايجابيه واقرأي فيها قد ماتقدرين
ومع الايام بتتحسن نفسيتك ويصفى ذهنك وتكتسبين معتقدات وبرمجات جديده
ابدأي التغيير من داخلك من هذي اللحظه

ابنك ضعيف وينضرب بسبب المشاكل اللي في البيت والبيئه الغير صحيه اللي عايش فيها على فكرة اغلب البيوت اللي فيها مشاكل وصيااح وصراخ الاولاد يطلعوا منها ياعنيفين يامهزوزين انتبهي على نفسك وعلى بيتك ومافيه شي يستاهل العصبيه والنرفزه

اتذكري حديث الرسول عليه الصلاة والسلام
ليس الشديد بالصُّرَعة، إنما الشديد الذي يملك نفسه عند الغضب