ضربت ولدي بالسلك ومتحسفه حيييييييييييل..شوفوا السبب يستاهل ولا لا..

السلام عليكم ورحمة الله وبركاته ..


أخواتي ولدي عمره ست سنوات واخته 3 سنوات مسيكينه تحزن نحييييييييفه ومعصقله تقولين عمرها سنه ونص .. دايم يضربها ضرب مبرح من يوم تصحى ليما تنام وهو ضرب فيها.. والله يابنات مابقيت طريقه معاه نصح ونصحته حرمان وحرمته بالطيبه كلمته وتفاهمت معاه بالهداوه مانفع مررررررره هاوشته مانفع بالعكس صار اعند واعند .. عصبي جدا جدا ويرفع صوته على طول.. ياربي مدري وش اسوي معاه..

قبل شوي مدري وش سوت اخته وقام يركض وراها وجت وراي تتخبى منه وقام رفع رجله وضربها على ظهرها واقسم بالله اني سمعت صوت طقطقة ظهرها قلت خلاص ظهرها انكسر عاد هي عظامها ريشه.. وبدون شعور قمت اخذت سلك وضربته مرتين على فخذه ورجله وهو يبكي ويقول خلاص لاتضربيني بالسلك بس انا والله انقهررررت منه وماعاد شفت .. ورحت اشوف بنتي قلت خلاص انكسر ظهره بس الحمد لله ماجاها شي..بس والله طقطق ظهرها..

انا الحين اشوفه ومتحسفه مره وذابحني الندم وش اسوي معاه .. ودي اقول له عشان انت سويت كذا وكذا ضربتك ما ودي ينام زعلان..


ادعوله يابنات ان الله يهديه ويصلحه ويحنن قلبه على اخته ذبحها بالضرب..