ضربت ولدي ونفسيتي تعبانه

مراحب يالغوالي
كيفكم إن شاء الله تمام
حبيت أفضفض لكم وتواسوني
البارح رحت للسوق وأخذت ولدي معي عمره سنتين لان مافيه أحد يجلس معه ومعي أختي
المهم كنت ماخذه العربيه معي حقت ولدي ورفض يجلس فيها بس يصيح جنني يبيني أشيله أول مره يسويها
المهم شلته شوي وأنا :mad: معصبه قوه
يوم نزلته ابي أختار لبسه وهويتمدد بالمحل يصيح جيت بشيله ورفض بس يشد نفسه حاولت معه مانفع
ماحسيت بنفسي إلا وأنا ضاربته على وجهه هو إنهار ويقول ماما ليه ليه
أنا بكيت وضميته ورجعت شلته وقمت أتسوق وانا شايلته واختي تدف عربيته فاضيه عليها بس الاكياس
المهم شوي وهو يبوسني بشكل موطبيعي ويقول ماما حبيبي
والله انه قطع قلبي وحلفت اني ما أمد يدي عليه مره ثانيه
أنا ماودي اني ضربته لكن غصب عني والله غصب

المهم الحين أنا خايفه إنه يأثر عليه نفسيا تكفون طلبتكم قولولي وش أسوي
والله إني ندمانه بقوه وشلون أنسيه
تكفون شورو علي والله اني أثق بآرائكم
رجاء لا أحد يقولي انت غلطانه أو أنت قاسيه
أنا أدري إني غلطانه لكن موقاسيه والله اني حنونه عليه بقووووه وأول مره أضربه
والله إلين الحين أفكر فيه