دمعة قهرر @dmaa_khrr

عضوة جديدة

ضربني بالعقال وتحاميت بوليدي

السلام عليكم ورحمة الله وبركاته

اخواتي الفاضلات عندي مشكله وحبيت اخذ رايكن فيها لاني اعاصر المها والقهر الي اذوقه لكن الشكوى لله يمكن حبيت افضفض عندك وابيكن تدعن لي بان الله يسخر لي زوجي ويرده لي ردا جميلا .. المشكله راح اقولها لكن من بدايه زواجي تزوجت ولد عمتي وكتشفت انه يشرب مخدرات ( حبوب الكبتجون ) ومن يومها وتبدى المشاكل بحياتي طبعا انا عيبي ما احب المواجهه لاني ااخاف من نتأيجها لكن لمحت له اكثر من مره اني اعرف واني رافضه هالشي وزعلت عن اهلي اكثر من ميلييوون مره بس في الاخير ارجعله كل الاهل يدروون بسبب زعلي لكن مشكتي اذا زعلت حنيت له ورجعت له وبعدها صرت افتش وره واراقبه ابي اصيد عليه شي وياما صدت عليه بلاوي وهو استلم سلاح الضرب يضرب ني لين اموت ولا عمره فكره يرحم اثناء عصبيته هو والله يا اخواتي ان فيه ميزات غير في الرجال الثانين طيب وكريم وراعي فزعت وطيب معي في اوقات الشدايد لكن الحين تغير وجبت منه عيال وعيبه الوحيد اذا عصب طاح فيني ضرب واذا صار تمام يصير كويس معاي انا وعيالي... يحب عياله ما يبخل عليهم ويحبني اعرف انه يحبني بس عيب يضربني لين اموت في احداث كثيره صارت بحياتي تمنيت اني اقولها بس مافي وقت اكتبها يابنات انا كنت عنيده جدا واستفزه واقهره بتصرفاته علشان كذا ما لومه اذا عصب ومد يده علي
بسس الحين تغير طبعي لاني مليت من صراع المشاكل ابي ارتاح منها وصرت اتجنبه صرت اذا عصب وراح يصارخ اسكت وما قوله شي اسكت اكتفي بالصمت.. وهاذا الي يقهره ليش تسكتين وما تردين علي
مشكلتي الحين انه مصار مثل قبل مايحب السوق واذا طلبته شي او مصروف رفض اوقال ما عندي حتى جوالي مكسر وحالته حاله طلبت منه يشتري لي جوال رفض وقال ما عندي المهم امس لقيت انه شاري جوال وجيت بعصبيه وناقشته وانا زعلانه قلت له يالله اشترلي جوال مو شغلي كل ما طلبتك شي تقول ماعندي فلوس والحين طلعت الفلوس ادري اني ما عندي اسلوب بس هي شحنات من قبل وحبيت افرغها عليه لانه قاهرني

وتهاوشنا وطلع عقاله وضربني بلا رحمه اول ضربه جت على الراس وصرخت صرخه اضن الجيران سمعوها وحاولت امسكه بيدي الضربه الثانيه جت على رقبتي بكل قواه حسيت اني مقدرت عليه هربت والضربه الثالثه جت بالأمواخره وهربت للحمام وقفل على نفسي ووانا ابكي واصيح واكتم البكاء والصياح سمت صوت الجرس يدق واثري ولدي الكبير جاي من الصلاه طلعت من الحمام واحضن وليدي وابكي واصيح بلا شعور دخل علينا والده يبي يضربني صده ولده ومسك يدين ابوه يدافع عني
>>>وجسمي الحين كله مزرق من اثر الضرب ورقبتي تألمني مقدر انام منها
ومن بعدها وابوه زعلان ويرسل لي مسجات اني احرض عياله عليه
الي تقول لي اش مصبرك عليه غصبببببببب عني والله لو لقيت حياه عند اهلي احسن من حيياتي مكان جلست دقيقه وحده :icon33:
ادعو لي يا اخواتي ان الله يسخره لي ويرده لي ردا جميلا والله انه فيه ميزات احسن من غيره بس انا احس اني نجرحت منه كثير بسبة الضرب واحتقرت نفسي بس عيبه بس مدة اليد
ارسلت له مسج اني ما يهمني في هالدنياء غير اطفالي ومتنازله عن جميع حقوقي وكتبت له بعد اني محتاجه الحنان والامان والاحترام بس مالقيتها عندك
ا

105

14K

يلزم عليك تسجيل الدخول أولًا لكتابة تعليق.

تسجيل دخول

ام الفرافر • 13 سنة

الله يعينك ياختي حاولي ماتشدي معه في الكلام وتخليه يضربك اذا شفتيه معصب مره ادخلي غرفتك وسكري عليك

وتجنبيه اثناء الغضب وادعي ربي الله يسخر لك ولنا امين ويهديه انا زيك زوجي اذا عصب يمد يده بس صرت ابعد عنه مررررررررررررره اذا عصب اخاف على نفسي الله يهديهم اصبري اذا عندك عيال والله بيفرج لك

أم عبادي وحسن • 13 سنة

استغفر الله ما ادري لين متى حنا نسكت عن حقوقنا يا اختي ليه تسكتين على الضرب يعني لو جت الضربه بعينك او سبب لك عاهه مستديمه وش راح تستفيديدن

على الاقل دخلي اهله بالموضوع

باين ان زوجك مايصلي لان ولدك جاي من الصلاة وهو قاعد بالبيت وهذا سبب يخليه بهالحاله البعد عن الله

الله يهديه بس لاعاد تسكتين على ضربه حاولي تدافعين عن نفسك باي طريقه عشان يهابك ولاعاد يرفع ايده بس لو شافك ضعيفه راح يستغل هالشي

Al-Farasha • 13 سنة

الزمي الاستغفار باليوم 100 مرة على الاقل
و كرري ربي اني لما انزلت الي من خير فقير
و قولي ربنا هب لنا من ازواجنا و ذرياتنا قرة اعين و اجعلنا للمتقين اماما
و اذا شفتي شي ضيق صدرك قولي اللهم اخلفني في مصيبتي و عوضني خيرا منها
ربي يسخره لج و يهديه و يصلح حاله

غِنـــى ..~ • 13 سنة

الله يعينك ويصبرك
كله كووم ومدت اليد كووم
والمشكلة انه بزيادة
وولدك موقف يحزززن
أي دمار نفسي أللي يعيشه
الله يصلح حالكم ويكتب لكم الخير وين ماكان

الشاطره حواء • 13 سنة

ياعمري على ولدك