السلام عليكم ورحمة الله وبركاته
ادخل بدون مقدمات لان مافيني للمقدمات
بصراحه هذا موضوعي مو اول موضوع انا شفت كذا موضوع من الاخوات يشتكوا ويشتكوا ويشتكوا
اغلب المواضيع اللي هينا هي تتكلم
انو زوجي ضربي
زوجي هاني
طلبته مصرف ما اعطاني
بخيل
خاني
عيونه زايغه
يبدي اهله عليه
اخته قالت
امه قعدت
اخوه نام
زوجي مايبغى يلبس ثوب ابيض الا بيج الحقوووني
تخاصمت مع زوجي علشان اخته قالت لي كذا وهو ما ردها
ويابنات الحقوني زوجي شاف سليفتي كاشخه بالخطأ قولولي ايش اسوي؟ >>طيب يعني الرجال وقعت عينه بالخطأ وايش ممكن نسوي ادعي ربك ينسيه مالها داعي موضوع بطوله وعرضه
والا الجيران عندهم بنات حلوين ايش الحل؟>اقول اقضبي ارضك ومالك دخل بالناس هم عندهم بنات وايش يعني ممكن نسوي؟ ندق لهم طابع يحولوا بيتهم والله علشان المزيون عيونه رادار رصد وتحري؟
والا تيجي وحده تكتب يابنات تعالوا لو يصير تتزوجي على زوجك تتزوجين؟ >اقول الاسلام كامل ايش الفائده من هالسؤال غير مضيعة الوقت
والاخرى يابنات عملت حفلة رومانسيه لزوجي وشريت كيك وعصير وسمك>>داخل عرض
وشوي والباب يندق طلعوا اخواته وامه
طيب الصار صار وليه كاتبه الموضوع؟ اخترتي التوقيت خطأ او قدر الله يعني مالها داعي امام الخلق تكتبي موضوع مايقدم فائده اطلاقا
والا تيجي وحده تكتب تعالوا هنااا عاجل اكتبي موقف رومانسي!! المصيبه مو بالموضوع ممكن نقول الوحده تستفاد من غيرها ومواقفهم المصيبه باللي يردون عليها ناشرين غسيلهم قدام خلق الله ماباقيين بس ياخذوا صور حتى يكون كلامهم مرفق بالصور طيب يامربيات الاجيال يامصنعات القاده فلسطين والعراق محتلة تحتاج الى رجال حقيقين كيف رح تربوا ابناءكم وانتم بهالمستوى تكتبون كل شيء عن العلاقة الخاصه وغيرها والمنتدى فيه بنات موووووووو متزوجات قسما بالله قبل اشهر قريت موضوع فيه بنات مو متزوجات يقولوا نحن مو متزوجين بس دايم تخطر على بالنا هذي الاسئله ويسألونها والعضوات البقيه يردون رد تفصيلي
والله حرااام عليكم ومايلفظ من قول الا لديه رقيب عتيد
هذه كتاباتكم شاااهده عليكم يوم القيامه ودكم تفتحون عيون البناااات على اشياء يجهلوها لاتقولون الحين الكل يعرف لااااااااااااا مو الكل يعرف هي دامها بهالبراءه والاسئله ماتعرفها يعني هي كل شي تعرف؟ انا مخطوبه ووالله ما اعرف ولااااشييي ولا اعرف كيف الانسان يعرف البنت بكر او غير بكرررر وتراني بشبابي مادخلت العمرين يعني لاتقولوا انت زمنك قديم الحين حنه بزمن جديد
والأدهى والامر مو المواضيع ومشاكلها انه قسم الحياة الاسريه صارلي كثيررر اقرا فيه والله ماشفت يوم موضوع ايجابي الا ناااااااادر واصلا هي مواضيع المشاكل بحد ذاتها تأثر حتى على اللي ماعندهم مشاكل وتأزم الامور وتخلي الجميع سلبي اكثر من ما هو ايجابي
يا اخواتي والله اعرف ان الفضفضه تريح عن النفس بس خلونا نرتقي بطريقة تفكرينا خلونا ننزل المشكله ونقول نريد الحل السليم لها خلونا نلتجئ لله بمشاكلنا افضل مما ننشرها على الملئ لان الاخوات هنا مو محللات نفسيات والا اخصائيات اسريات يعني والله في ردود تزيد الطين بله مايخافن الله
تجي وحده كاتبه مشكلتها مع زوجها
ترد بكل برود تقول لها تطلقي وريحي راسك >اعوذ بالله مافكرتي عندها اولاد مافكرتي فيها بالمجتمع
او تكتب وحده موضوع خلينا نقول عنه مو مفيد وياكثرها المواضيع الغير مفيده تقعد تسبها وتشرشحها طيب ارتقي بأسلوبك نحن 2011 العالم وين وصل وانتوا خلف الشاشات تجرحون بالناس اتقوا الله لو حبيتي تنصحيها الموضوع مو مفيد اكتبيلها على الخاص او عبارة اخرى
واتمنى من الجميع ان يتقبلوا كلامي برحابة صدر المشاكل في قسم الاسريه اثرت على كثير من المتصفحات وبعضهم صاروا يشكوا بأنفسهم وازواجهم هذا خطأ خطأ خطأ المفترض ان تكون استشاريه تاخذ المشاكل بشكل سري وترد عليها ويكون قسم الاسريه قسم كيف نسعد انفسنا وبيوتنا وكيف نقلل من مشاكلنا كيف نربي ابناءنا ونحل مشاكلهم
ووالله كلنااااااااا محملين بالهموم والمشاكل وانا واحده منكم احمل من الهموم ماتكفيني وتخليني انهار :icon33: لكن ما اقول الا الله يعين واحاول اني اصبر نفسي واحل مشكلتي بنفسي الجئ لله اشعر براحه عجيبه
وانا اسأل نفسي معقوله كل حريم عالم حواء بيوتهم مشاكل؟ والله عارفه مافي بيت الا تصير فيه مشكله بس ليه مانقلب الصفحه ودي اشوف الحياة الاسريه وحده تكتب بنات تابعوا تغيير حياتي مع زوجي وتابعوا تغييري بأسلوبي معاه؟
او تابعوا المقاطع الدينيه اللي ممكن تردعه وترجعه لصوابه
او رسالتي المؤثره له؟
يعني خلونه نقلبه الى قسم الحلول مو بس مشاكل وشتائم :09:
او تنزلوا سفراتكم للي تسافر مافيها شي والله لاتخلون العقدة بالمنشار وكل شي صار عين الانسان المحصن مايصيبه شي بأذن الله
يلا ودي الجميع يتفاااعل ويحاول ان يساهم ويغيير من حال هالقسم:44:
اتمنى قراءة الموضوع بتمعن ماقلت لاتفضفضوا قلنا المواضيع التافهه تجنبوها والمهمه خلونا نضع الحلول لها ونستفيد من التجارب والخبرات,
Bاحساس انوثهA @bahsas_anothha
كبيرة محررات
يلزم عليك تسجيل الدخول أولًا لكتابة تعليق.
وآلله إنك صدقتي يآغآآآليه وخآصه آلخيآنات حنآ نتأأثر و تخليك تشكين بزوجك غصب وطبعآآآ مآفي بيت يخلو من آلمششآكل بس آلحمممد لله ..هي مللح آلحيآه جزآك آلله خيييير وجعله بموآآزين حسسنآتك دمتي بووود~>وآلله إنك صدقتي يآغآآآليه وخآصه آلخيآنات حنآ نتأأثر و تخليك تشكين بزوجك غصب وطبعآآآ مآفي بيت...
وجزيت بمثله
اسعدني مرورك:39:
اسعدني مرورك:39:
ِAm Abod
•
معاك حق ياكثر المواضيع والأسئلة اللي مالها فايدة
ولا واللي تجيك ترد بكلام جارح وتقول من حقي أعبر عن رأي
فاهمين حرية التعبير عن الراي غلط
ولا واللي تجيك ترد بكلام جارح وتقول من حقي أعبر عن رأي
فاهمين حرية التعبير عن الراي غلط
الصفحة الأخيرة
وخآصه آلخيآنات حنآ نتأأثر و تخليك تشكين بزوجك غصب
وطبعآآآ مآفي بيت يخلو من آلمششآكل بس آلحمممد لله ..هي مللح آلحيآه
جزآك آلله خيييير وجعله بموآآزين حسسنآتك
دمتي بووود~>