مثل ماهو واضح
انا وزوجي لنا اسبوع مانكلم بعض انام مع اولادي وهو بغرفته
السبب يااخوات جاء وانا اسولف مع اختي ع الواتس ويوم جاء نزلت الجوال وجلست اسولف معه ويعلم الله مافي نيتي شي
وقالي ليه نزلتي الجوال كملي دردشه وكل شوي يقول كملي وانا عارفه نيته لانه دايم كذه
قلت ليه وش تحسب اني براسل احد يعني وقلت استح ع وجهك وتراني اذا سكت مره مرتين معد بسكت
هنا قامت شياطينه قال ليه انتي تفتشين جوالي وانا لا للعلم قد شفت الواتس حقه وعلمته
قلت انا اشوفه من وراك واعلمك لكن انت دايم تفتش جوالي وتقراء انا مااسمح لك
واشتد الكلام بيننا وهو اللي غلطان وينافخ قمت لاني ماودي بالمشاكل ولحقني وضربني ورفسني ويضرب راسي بقوووه الين خلاص قمت انفض وعيالي يبكون
قام هوه مسوي حنون علي قالي يالله اوديك المستشفى ورفضت قلت خلاص دق ع اهلي عفت العيشه معك كرامتي مالقيتها عندك من يوم خذتك وانت تشك وتضرب وش ذنب عيالي
المهم بضغط منه طلعت السياره شوي وقام يقول انتي وانتي ويحط اللوم علي ويوم دافعت عن نفسي قالي انا برميك عند اهلك واتزوج وحده احطها ع راسي
قلت انا باقرب محكمه بخلعك
ااه يااخواتي والله لي ست سنوات ودايم يضربني يبغاني زي الجدار اذا تكلمت هجم علي ياما سبب لي كدمات وجروح حتى انفي بين الوقت والاخر يخرج دم
وصرت انسى كثييييير وجاني اكتأب
لو احكيكم بظلمه لي بتقولون صبرك طووويل بس انا صبري خلص والله خلص معد فيني حيل ودي اربي عيالي واعيش
مع العلم الاسبوع هذا قايمه بواجباتي واطبخ واخلي له بالمطبخ ويجي ياكل ويروح ع اللاب لين ينام وانا تعبت والله تعبت
اللحين ايام فضيله وهذا حالنا وبيجي العيد وحنا كذا يبغاني اجيه واعتذر بس نفسي ماتسمح لي ابدا
يلزم عليك تسجيل الدخول أولًا لكتابة تعليق.
الباااارونه
•
وليه تصبرين على الذل وحجتكم عيالكم كان رحتي اقرب مستشفى وطلعتي تقرير وبعدها اشتكيه والله حتى عيآلك مايقدر يإخذهم تكسرت ضلوعكم من الضرب وانتم.سلبيين ووين اهلك قسم بالله لو.مكانك لانتقم منه واوريه شغله معدوم الرجوله اللي يستقوي على حرمه وعليها يشك فيك يعني بالله ليش صابره عيالك العبشه بدونه شبه الاب هذا راحه لك ولعيالك
رحت لاهلي مره مرتين ثلاث مافي فايدهرحت لاهلي مره مرتين ثلاث مافي فايده
ماودي اضحك الناس علي
السوفيه
•
الله يصبرك اذا ابوه عايش او ابوك اواخوك اشكيه خلي احد يوقفه خاصة عن الضرب والله يهديه اصبري يا اختي لخاطر اولادك
الصفحة الأخيرة