ضرب الزوج لزوجته باستمرار لاسباب تافه

الله يكون بعونك وعونا ياختي والله ماحد مرتاح بهالدنيا

لكن عليك بالاستغفار عشان الله يرحمك ويفرج عنك وادعي بسجودك ان ربي يهدي زوجك ويسخره لك ولعيالك

أسأل الله يفرج همك ويبدل حزنك سعادة وفرح
ارقي نفسك بالمعوذات والاخلاص وآية الكرسي والفاتحة واقري سورة البقرة باستمرار
وزوجك شربيه مويه مرقية
اقري فيها الفاتحة واول خمس آيات من سورة البقرة وآية الكرسي وآخر آيتين من البقرة وسورة الاخلاص والفلق والناس
وشربيه من المويه باستمرار ومو لازم يدري
واطلبي ربك بالحاح وغيري نفسك حتى يغير الله حالك
ابعدي عن المعاصي واكثري من الطاعات والله يفرج همك

الاستغفـــــــــــــــــــــــــــــــــــــــــــــــــــــــــــــــــار

دام عندها اطفال الصبر ثم الصبر ثم الصبر

تتجنب الامور اللي تثير اعصاب زوجها .. لا تكلمه وهو معصب ولا تطلب منه شي وهو جاي تعبان من الشغل ولا تكثر الزن في امور تافهه

الرجل يحمل مسؤليه كبيره وباله دايم متوتر ومشغول في توفير حياه لاولاده وبيته واي قلق تسببه الزوجه يخليه ينفجر

وايضاً خليها تستخدم حلاوة اللسان معه وبشاشة الوجه وتسمعه الكلمه الطيبه يعني تدعي له مثل الله يعافيك الله يخليك لنا الله لا يحرمنا منك ...

تحرص على نظافة بيتها دائماً وتطيبه وترتبه وتحرص على نظافة عيالها ونفسها واناقتها

لان احياناً فيه اسباب خفيه تنرفز الرجل مثل البيت الحوسه والمرأه الحوسه

وتكثر من الدعاء له بالهدايه في صلاتها

وتشغل القران في بيتها بأستمرار مثل سورة البقره لان دكر الله يجلب الخير والطمأنينه للبيت

والاستغفااااااااااااااااااااااار مفعوله مثل السحر

الله يسخره لك يارب ويبدل حاله,, ممكن في حالة وحدة إذا كان لك عزوة ... أخو والا ابو والا عم أوقريب ,, يدق خشمه ,, لأن الرجل اللي يضرب ومتعود يمد ايده ,, مايردعه الا الرجال من اهلك ,, خوذيها مني ,, وعن قصص قريباتي وصديقاتي ,, رجالهم يضربونهن ,, بعد ماأهلها تدخلوا وبشدة بعد ..ترى الكلام اللين للرجل هراء يعني مايجيب نتيجة,, لايذلك عشان اولادك ,, والرجل اللي يمد ايده على ام اولاده لايستحق الاحترام او الحشيمة .. لا تسكتين ابد ,, اوتصبرين ,, وفقك الله ورعاك ..