أم ريتال :

انا انضربت بس مو قوي لدرجة اني اذكره بس اللي مستحيل انساه كنت باولى ثانوي وكان عندنا حصة فراغ قامو البنات يطقون ويرقصون المهم جت المديره ومعها مسطره وش كبرها<<<مدري كيف ماتستحي تضرب واحنا كبار المهم سالت من اللي جلس يطق ويرقص محد رد قالت اذا ماعلمتوني بطق كل الفصل المهم كلنا ساكتين جت ودارت على الفصل كله وضربتنا مع ايدينا وانا والله كنت مثاليه حتى المراقبه كانت تدخل الفصل وتقول خلوكم مثل أم ريتال وحتى المدرسات كانو يمدحون باخلاقي لاني كنت خجوووووله بس اكثر شي قهرني ان المدرسات جو يركضون يطلون على الفصل ويشوفوننا وحنا ننضرب ولا وحده فيهم تكلمت او قالت لا هذي مستحيل تسوي كذا وانا كنت خوافه ومستحيل اتكلم او اقول اني مظلومه المهم اول مارجعت للبيت طيرااااااااان عند امي وانا اكلمها جلست اصيح واصيح من القهر عاد امي الله يخليها لي كلمتهم وماقصرت ادري طولت والله يهدي الجميع

انا انضربت بس مو قوي لدرجة اني اذكره بس اللي مستحيل انساه كنت باولى ثانوي وكان عندنا حصة فراغ...

عاشقة البعيد :

والله الموضوع أثر فيني وذكرني بالأيام الماضيه اللي أحاول اني انساها.. القصه الاولى: انا كنت في الابتدائي ودخلت علينا المعلمه وانا كنت آكل مصاصة بس ما شلت المصاصة من فمي ما ادري ليش انا لما كنت صغيره ما كنت اعرف سوالف العناد وقلة ادب البنات بس هذاك اليوم ما ادري ليش ماشلت المصاصة من فمي المهم نادتني باسمي وقالت لي تعالي عند السبوره ونادت بنت من بنات الفصل وقالت لها روحي لغرفة المعلمات وجيبي المسطره الفلانيه البنت راحت وجابت المسطره الله لايوريكم مسطره خشب وعريضه وقالت لي افتحي ايدينك الثنتين وقامت تضرب فيني بقوة لحد ما ايدي تشنجت وانا من الالم والخرعة مانزلت مني ولا دمعة والى يومكم هذا ماني قادره انسا هالضرب احس فيه لحد اليوم صحيح اني غلطت بس انا كنت طفله والمفروض انها تأدبني بطريقه ثانيه كل ما اتذكر هالمعلمه واسمها ليلى اتحسب عليها ولحد ما اموت ماراح اسامحها لاتقولون قلبي قاسي بس مهما حاولت احكيلكم عن الموقف ماراح اوصفه لكم مثل ماكان.. القصه الثانيه: اخوي اللي أكبر مني كان دايم يضربني حتا بعد ما اتخرجت من الثانوي بس ايش ضرب كان ياخذني من شعري ويرميني على الارض ويرفسني برجوله حتا لما كنت ادرس كان عندي شنطتين وحده شنطة ايد والثانيه شنطة ظهر واليوم اللي انضرب فيه من اخوي كنت أشيل شنطة الايد لأني ما اقدر البس الشنطه الثانيه من الالم وآثار الضرب والله العظيم اني لحد اليوم ماني قادره انسا هالاشياء وجاتني عقده منه لدرجة اني لو كنت جالسه بمكان وهو جا علطول اقوم من هالمكان واذا كان وقت غدا او عشا وهو جالس ياكل مع الاهل انا ما اجلس معهم لأنه موجود والله يابنات ماتتصورون اشلون امي تتضايق من تصرفي هذا بس هي بعد لما كان يضربني ماكانت تدافع عني كانت توقف معاه ومن يومها يابنات الى يومكم هذا وانا ما أحس بأمان ماادري ليش.. القصه الثالثه: ضرب ابوي لأمي قدامنا وبس ما اقدر اتكلم اكثر من كذا لأنه السالفه طويله جدا سالفه بدايتها من اكثر من 20 سنة وللحين آثارها باقيه في امي المسكينه وفيني انا بعد لأني من وانا طفله كنت اشوف اشياء ومناظر الله لايوريها لأحد ان شاءالله .. آسفه جدا جدا على الاطاله بس والله الموضوع أثر فيني وعكر مزاجي جدا

والله الموضوع أثر فيني وذكرني بالأيام الماضيه اللي أحاول اني انساها.. القصه الاولى: انا كنت في...