عاشقة البعيد :

والله الموضوع أثر فيني وذكرني بالأيام الماضيه اللي أحاول اني انساها.. القصه الاولى: انا كنت في الابتدائي ودخلت علينا المعلمه وانا كنت آكل مصاصة بس ما شلت المصاصة من فمي ما ادري ليش انا لما كنت صغيره ما كنت اعرف سوالف العناد وقلة ادب البنات بس هذاك اليوم ما ادري ليش ماشلت المصاصة من فمي المهم نادتني باسمي وقالت لي تعالي عند السبوره ونادت بنت من بنات الفصل وقالت لها روحي لغرفة المعلمات وجيبي المسطره الفلانيه البنت راحت وجابت المسطره الله لايوريكم مسطره خشب وعريضه وقالت لي افتحي ايدينك الثنتين وقامت تضرب فيني بقوة لحد ما ايدي تشنجت وانا من الالم والخرعة مانزلت مني ولا دمعة والى يومكم هذا ماني قادره انسا هالضرب احس فيه لحد اليوم صحيح اني غلطت بس انا كنت طفله والمفروض انها تأدبني بطريقه ثانيه كل ما اتذكر هالمعلمه واسمها ليلى اتحسب عليها ولحد ما اموت ماراح اسامحها لاتقولون قلبي قاسي بس مهما حاولت احكيلكم عن الموقف ماراح اوصفه لكم مثل ماكان.. القصه الثانيه: اخوي اللي أكبر مني كان دايم يضربني حتا بعد ما اتخرجت من الثانوي بس ايش ضرب كان ياخذني من شعري ويرميني على الارض ويرفسني برجوله حتا لما كنت ادرس كان عندي شنطتين وحده شنطة ايد والثانيه شنطة ظهر واليوم اللي انضرب فيه من اخوي كنت أشيل شنطة الايد لأني ما اقدر البس الشنطه الثانيه من الالم وآثار الضرب والله العظيم اني لحد اليوم ماني قادره انسا هالاشياء وجاتني عقده منه لدرجة اني لو كنت جالسه بمكان وهو جا علطول اقوم من هالمكان واذا كان وقت غدا او عشا وهو جالس ياكل مع الاهل انا ما اجلس معهم لأنه موجود والله يابنات ماتتصورون اشلون امي تتضايق من تصرفي هذا بس هي بعد لما كان يضربني ماكانت تدافع عني كانت توقف معاه ومن يومها يابنات الى يومكم هذا وانا ما أحس بأمان ماادري ليش.. القصه الثالثه: ضرب ابوي لأمي قدامنا وبس ما اقدر اتكلم اكثر من كذا لأنه السالفه طويله جدا سالفه بدايتها من اكثر من 20 سنة وللحين آثارها باقيه في امي المسكينه وفيني انا بعد لأني من وانا طفله كنت اشوف اشياء ومناظر الله لايوريها لأحد ان شاءالله .. آسفه جدا جدا على الاطاله بس والله الموضوع أثر فيني وعكر مزاجي جدا

والله الموضوع أثر فيني وذكرني بالأيام الماضيه اللي أحاول اني انساها.. القصه الاولى: انا كنت في...

dubai2 :

يسعدني اكون اول وحدة ترد عليك اختي علبة بيبسي مخضوضة على فكرة اسمج غريب انا عن نفسي ما انضربت لاني ولله الحمد البنت الوحيدة وما في على الحجر غيري اذكر حادثة قديمة جداً من عمر 3سنوات اتخيلها مثل الطيف صورة ابوي ومرته (عمتي مرت ابوي) الله يسلمكم ابوي من كثر ما كان يحبني لما كان يروح ينام عندها ياخذني وينومني بينهم (الله يهديه) وهي كانت تكرهني وكانت تنتظر ابوي لما يدخل الحمام تخوفني وتعضني بعد(الله يسامحها) كنت اخاف منها موووووووووت مسكينه امي كانت تنومني من وقت عشان لم ا يجي يلقاني نايمة بس ما في فايدة بعد ياخذني وامي تصيح ما تباه ياخذني (لانها تقول اني خبرتها ان مرت ابوي تضربني بس ما كانت تبا تخبره عشان ما تسوي مشاكل ) وفي يوم من الايام شافها وهي تضربني وقام يركض وراها في الحجرة ويضربها بالحزام وتصرخ وتصرخ وانا في نص السرير والله العظيم الصورة مطبوعة في راسي وكأنها اليوم ولا يمكن انساها ابداً أبداً واذكر ان ابوي طلقها طلقة ومن يومها حلف عليها بالطلاق لو ضربتني مرة ثانية تصدقون هالحادثة اثرت فيني واااااااااايد وظليت سنين اعاني من التبول اللارادي في السرير لسن العشر سنوات كنت دايماً احلمها وهي تضربني وتعضني (اذكر مرة عضت صبعي وكنت لابسة خاتم ورحنا المستشفي وقصوه الحين بعد ما كبرت صرنا حبايب شو رايكم اذكرها بالسالفة ولا لا ؟؟؟؟؟ اسمحوا لي طولت عليكم بس شو اسوي علبة بيبسي قلبت علي المواجع .

يسعدني اكون اول وحدة ترد عليك اختي علبة بيبسي مخضوضة على فكرة اسمج غريب انا عن نفسي ما انضربت...

@@ورد الجوري@@ :

لا يمكنك مشاهدة هذا التعليق لانتهاكه شروط الاستخدام.