الباب اللي يجيك منه الريح سدة واستريح
..هو مايبيكم تتواصلون عشان ماتاخذين من طبايعهم ولا ليش تزوج عليها ..

اختي الله يهديك اللي سويتيه غلط
تتكلمين قدامهم عنه
لاتتكلمين عنه لا بزين ولا بسين
ياختي قلتيها ضرتي مو مسرتي
يعني تضرك مو تسرك
تتكلمين فيه انه فعل وسوا وقال وكذا وكذا اي واحد بمكانه راح يسوي زيه
تمشين وتتكلمين فيني كل الرجال سواسيه
المفروض ماتبينين لهم انتي مرتاحه ولا متضايقه
خليك رسميه معهم افعلي الخير بس اكتمي عنهم اسرارك
الرسول صل الله عليه وسلم ( اقضوا حوائجكم بالكتمان)
تبين تقضين حاجتك مع اهل زوجك اكتمي كل شي عنهم
لاتبدين لهم الشين ولا الزين
سلمي عليهم وبس
اما تقعدين تفضفضين لهم من ابوهم اكييييد راح يقلبون عليك ويلقون عليك زله عشان يطلقونك
هذا اذا مابهروا وزادوا بهارات
والسبب يامحيني وعدريني يالغاليه السبب غباءك مو طيبتك
الطيبه الزايده تسمى غباء
لو سألوك عن ابوهم وشلونه معك تردين عليهم رد يسكتهم ولا يخليهم يسترسلون معك بالاساله
الحمدلله على كل حال
وكل ماسالوك عنه برضو ردي الحمدلله بنعمه


ليش حتى لو انتي بضيم وضلايم
حمدلله على كل حال في الخير والشر
الله يفتح لك ابوابه ورزقه
قال تعالى ( لئن شكرتم لأزيدنكم )
اشكري الله وحمديه بالسر والعلانيه
ولا تفتحين قلبك للي يكونون لك الشر
انتي تحاولين تترجينهم عشان يسامحونك ليش ماسويتي شي غلط عشان تذلسن نفسك لهم
هذا شرع الله ياختي اخذتي انتي ولا اخذ غيرك ماسويتي غلط ولا حرام
عشان يكسرون خاطر
المهم انك تعينين زوجك على العدل بس
غيره خلاص
انتي خليك رسميه معهم ولا تفتحين قلبك لاحد يبطن لك الشر
المشكله تدرين وتعرفين ومجربه قبل ظلمهم وقسوتهم عليك راسحه تشتكين لهم عن ابوهم لقوا عليك ممسك


خليك في حالك لا تمدحينه ولا تسبينه عندهم
وفكي نفسك من شرهم وخيرهم

طيبتك هذي اشتري فيها كيس بصل معليش كلامي يمكن يجرحك بس عشان مصلحتك طنشيهم وش لك فيهم انا اول مره اشوف وحده تجيب الوجع لراسها ياحياتي انسسسي مافيه ضره طيبه ولا بلاحلام الحين عرفتيهم على حقيقتهم ؟ خلاص اصحي اسمعي كلام زوجك وراضييه واكسبيه وخلك فحياتك وعيالك بلا دموع بلا خرطي هي ودها تطلقك منه مو بعيده يفرون راسه وبعدين فيه وحده تشتكي من زوجها عند بناته وش تحسين فيه ؟؟؟ اتمنا يكون درس لك ماتنسيه وتتعلمين منه خليك فحالك اسلمي وسلمي افتكي من شرهم الله يسخرلك زوجك ويستر عليك من كيدهم سامحيني لو قسيت عليك بس يعلم الله اني اود لك الخير

بعض الطيبه غباء

الله يسعدكم يالغوالي
انا طيبه لدرجه السذاجه
وارحم ضرتي لاكن هيه نيتها شينه معايه
وهم اول ماتزوجت كانوا يشتكون منه
الله يكفيني شرهم