ضرتي تهاجمني بسبب اخت زوجي

السلام عليكم
اخت زوجي مناشبة ل اخوها تبغى سيارة راكنها زوجي بالفيلا حقته وما احد استخدمها وكلمته وقالها بدور لك عالمفتاح وتروحي تاخذيها
وجا طلب مني ادور لها عالمفتاح بغرفته يمكن راميه هنا ولا هنا وانا وش مدريني اصلا رحت قلت لها زوجي مايدري اصلا وين مفتاح سيارته وشكلها خربانة وروحي اسألي زوجته يمكن هي تعرف
راحت ذيك وهي طبعا تحب تدس السم بالعسل قالت لها ضرتك تقول انك انتي ماخذة مفتاح السيارة ومخبيتيه
ورسلت لي اخت زوجي رسائل صوتية من ضرتي سمعتهم
تقولها هلا فلانة كيف حالك عساكي بخير اي مفتاح يافلانة تقول عنه هالبقرة نعال بوجهها خلي هالبقرة تكلمني
طبعا الكلام موجه لي انا وبرسالة ثانية تقولها المفتاح مع زوجي وهذي فلانة لي هي انا وحدة حمارة وخليها تكلمني
وذيك مستانسة وهي ترسلهم لي
انا كلمت زوجي وسمعته الرسائل قعد يضحك يقولي والله فلانة لسانها مثل العسل وهي تسب
قلت والله ما اخليها بنفسي ورحت كلمتها وقعدت تسب فيني وسبيت فيها وغسلت شرعها
بعدها تقولي انتي حرمة بنت رجال تعالي الفيلا بعد ما ارجع والله لا افسخك عباتك اخليكي تمشي بالشوارع بدون عباية وانا طنشتها
طبعا هي الفاظها شوارعية ومسترجلة من زمان
رجعت رسلت لي رسالة بالليل تسب فيني مرة ثانية وماخلت كلام وتقولي يا حرباية انتي طول رجولي بما اني قصيرة
ورجعت كلمتها ب احترام قلت لها خلاص غلطت ومنك السماح
جات رسلت لي رسالة تقولي للمرة الاخيرة انتي حرمة انتي ام مثالية تدافعين عن نفسك انتي اجودية
تعالي الفيلا يوم ارجع اقسم بالله ماتلاقي عباتك عليكي غير اقص شعرك انا وبنتي واخليكي مسخرة ٥٠ سنة قدام وسويت لها بلوك وليتني سلمت لا اخت زوجي ترسل لي رسالة وهي تضحك تقولي فلانة تسلم عليكي وتقولك تعالي الفيلا بالليل عشان تسلم عليكي يوم ترجع لانها مشتاقة لك
قلت لها انتي اساس المشكلة حسبي الله فيكي وعطيتها بلوك
وكل هذا زوجي شايفه ويضحك حسبي الله ونعم الوكيل فيه وفيها وب اخته
صارلي من اول امس متعكرة بسببهم ولا الادهى والامر زوجي خذ الرسائل الصوتية على اساااس انه بيكلمها وبيهاوشها ولا اشوفه كل شوي وهو قاعد قدامي يفتحهم ويقعد يضحك كأنه احد يقوله نكتة