السلام عليكم ورحمة الله وبركاته
اول شي انا للاه وانا اليه راجعون
بنات القصيم عامه وبريده خاصه ابيكم تدخلون الرابط الي تحت لاني توني اليوم انفجعت بالقصه واصحاب المصاب
http://forum.hawaaworld.com/showthread.php?t=3267463
قبل مده كنت بالقصيم بايام العيد وسمعت عن الحادث وتاثرت ودعيت لهم :(
بس اليوم عرفت اسم ام الاطفال الخمسه وجاني خبر وفاتها والصدمه الكبيره ان اسمها نفس اسم زميلة الدراسه وصديقت عمري الي انقطعت عني اخبارها من فتره تقريبا 3 سنوات:(
ياليت الي تعرف عنها شي او اي معلومات تفيدني اقل شي اعزي اهلها وامها المسكينه
يمكن تطابق اسماء او الاسم جاني غلط بس المواصفات نفس مواصفاتها
والله قلبي معورني عليها وبالاصل لي كم اسبوع افكر فيها واقول ياترى وش اخبارها
يارب انك ترحمها برحمتك ان كانت هي نفسها صديقتي او غيرها وتسكنها جناتك وتخلف عليها شبابها بالجنه
وتبدلها اهل خير من اهلها وزوج خير من زوجها
الي اعرفها كانت صديقه صدوقه ملتزمه اخلاقها عاليه خدومه متفوقه وبنت حلال حيل حيل
ماتتصورون وش كثر متاثره الحين وقلبي متقطع وحالتي الله اعلم فيها
انتظر ردودكم يابنات تكفووون لازم اعرف من هي امهم وان شالله يكون غلط بالاسم وارتاااااااح لانها غاليه وعزيزه
ويياليت الاسم يرسلي بالخاص
كلامي ملخبط اكتب وانا ماشوف من الدموع الله لايفجعنا لا على غالي ولاحبيب
قصيميه بجده @ksymyh_bgdh
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
عيا يجيني النوم وعيت تغمض عيني من التفكير
والله اني مرهقه وتعبانه بس التفكير ذبحني ماغير اتردد على المنتدى وانتظر رساله او رد
هذا غير الاتصال عندي تسلط ماغير يفصل