ضرس العقل ....بعد الخلع

السلام عليكم ورحمه الله وبركاته
آآآآآآآآآآآآآآآآآآه من ضرس العقل كان تاعبني وهو موجود والحين تاعبني اكثر يوم شلته
الموضوع ياحبيبات ان اضراس العقل السفليه عندي مدفونه يعني صايره تحت اللثه والي بارز منها شي بسييييييييييييط ودايم تلتهب المنطقه الي حولها والالم يوصل لعند الاذن وكلما رحت طبيب قالي الاحسن تخلعيها والخلع يكون عند جراح اسنان وليس طبيب الاسنان العادي
المهم توكلت على الله ورحت للجراح وقرر انو يشيل الاضراس الاربعه وبنبدأ بالسفليه لأنها هي الي تاعبتني.... في البدايه قال لي بنشيل الضرس بجراحه وبنج وبيكون في خياط بعد الجراحه وقلت ماشي ....عطاني موعد بعد اسبوع للجراحه وجيت في الموعد عشان نشيل الضرس الاول كشف على اسناني مره ثانيه وسوالي اشعه وقال لي ما يحتاج جراحه بنشليه بالطريقه العاديه
عطاني ابرتين بنج وبعد عشر دقايق بدأ عمليه الخلع وبدأت المعاناه ...تخيلو ساعه وعشر دقايق وهو يشتغل عليها ماضل ازميل ولا شاكوش ولا سكروب ولا آله ألا واستخدمها طبعا انا ما احس بألم لأني مبنجه بس احس بالضغط على الاسنان وفمي بينشق من كثر ما يضغط عليه والاخير قطعها نصين بآله الحفر وشال كل جزء لحاله وكتب لي على مسكن ومضاد حيوي وانتهت المعاناه
لألألألأما انتهت بعد ما رحت البيت وبدا البنج ينتهي مفعوله بدت المعاناه الحقيقيه آلام ما تتوقعونها في الفم الكله احس ان الاسنان كلها متخلخله والفك مخلوع والنزيف مستمر طول اليوم وصداع وبروده في الجسم هذا غير الجروح الي في فمي بسبب ضربات عده النجاره الي استخدمها الطبيب وطبعا ما اقدر افتح فمي وما اقدر آكل ولا اتكلم
اليوم وبعد خمس ايام خفت الآلام لكنها بعدها موجوده والجروح تحولت الى قرح مؤلمه في الفم والصداع بعده
شالحل كرهت حياتي وندمت على اليوم الي قررت فيه اخلع ضرسي
سؤالي احد منكم مر بهالحاله وكم استمرت وشكنتو تسوون عشان تخففون الالم؟؟؟؟؟؟ والي ما عندها معلومه تفيدني تدعي لي