انتي صدقتي انه خاطب ومتملك الله يعوضك الخير ان شاءالله باللي يستاهل قلبك

شوفي حبيبتي مافي رجال ينغصب ع الزواج كذب بس هو بيتسلى معك ولو تزوجك صدق بتضل علاقتكم عللى الشك انتبهي حبيبتي استغفري بنية ان الله يعوضك بالحلال ولاتتسببي في طلاق البنت حرام بتدعي عليك وقاطعي الرجال وقفلي شريحتك وغيريها كلها كم يوم وتنسينه من ترك شيئآ لله عوضه الله خيرى منه :27: لو يبيك ماخطب غيرك الرجال ذئاب البشر يحلفون كذب عادي اهم شي ياخذ اللي يبي ويرمي البنت وانا ماالومك انك حبيتيه يمكن اسلوبه حلو:35:

مادري عورت قلبي قصتك يالعنووود وقريت ردود البنات كلهااا وحبيت ادلي بدلوي انا بعد
يمكن يكون احساسك ناحيته مجرد اعجاب بمانه اول رجل بحياتك شي طبيعي انك تتعلقين فيه
بس صدقيني انتي اللحين الرؤيه مو واضحه عندك لانك صاحبة المشكله وتحسين بحيره
حنا مانبي نجرح شعورك او نقسى عليكي لكن ياترى هذا الشاب تعرفتي عليه قبل مايملك على
بنت عمه ولا بعد وعموما في الغالب انه راح يتزوج بنت عمه لانك بالنسبه له حلم لكن زوجته واقع
لا تضيعين وقتك انتي باقي صغيره والفرص قدامك كثير وصدقيني بتتزوجين وراح تحبين زوجك اكثر
منه الحب غير الزواج وانا ماقول الا حسبي الله على هالشباب اللي يضيعونا بنات لكن الدنيا دواره
اليوم تلاعبت بمشاعر بنت بكره الله يبلاك في هلك وخواتك والدنيا دواره استهدي بالله فكري بعقل وحطي
قلبك على جنب شوي وش احسن بالله شاب يتقدم لك بموافقة اهله ومباركة اهلك والامور واضحه وانتي
مرتاح بالك ,,,,,,, ولا شاب يجيك وتقعدين ترقعين له وبعد تقعدين في قلق من يوم يخطبك لحد ماتتزوجين
صدقيني بيجيكي الشاب اللي بيتزوجك وتحبينه وتستقرين معاها. دايم فكري بهالطريقه من ترك شيئا لله عوضه
الله خير منه ,,, هالكلمه راح تبرد قلبك واشغلي وقتك لو تدرسين اشغلي نفسك بالدراسه وبالصلاه وقيام الليل
ولا تقولين صعبه او كيف اعيش من دونه انتي كنتي عايشه من قبل ماتعرفينه واهو بعد كان عايش قبل مايعرفك
محد يموت لفراق احد قوي قلبك اتركيه نهائياااا وتذكري ان الله ماراح يضيعك فكري بكلامي زين والله يسعدك

من راي ما انصحك بهذا الزواج ابددددددددددددددددددددا لاسباب كثيره اولا حرام تكلمين شخص غريب عنك ثانيا حرام تخربين فرحة انسانه يعني تبنين سعادتك على تعاسة غيرك يمكن الله ما يوفقك وبعدين فكري بعقلك انسان يعتبر متزوج ويكلمك اولا خيانه ثانيا انسان بيتزوج من وراء اهله ما فيه خير لاهله كيف بصير خير لبنت الناس وبعدين انتي بتحطين نفسك واهلك في مشاكل يمكن يظغطون عليه اهله ويطلقك وبكذا بتخسرين كل شي وبعدين بتصير حياتك كله شك في شك لانك بديتوا حياتك بلغلط وصدقني دام بفرط في بنت عمه وهي من دمه بهذه السهوله لاتوقين منه خير انصحك اتركي هذا الشخص لوجه الله والله بيعوضك خيرا منه اسال الله لك الزوج الصالح وبنات المسلمين ااااااااامين

انا عكس كل البنات اقولك اتمسكي فيه وخليكي قوية مو عاجبني ضعفك وعقدة الذنب اللي فيكي انا مني شايفة فين المشكلة لنتي تبينه وهو يبيكي وما يبي خطيبته يا بنات هو لو متزوج وداخل على بنت عمه كان عندي رأي ثاني بس هم لسه على البر بنت عمه بعد طلاقه بتتزوج غيره يعني عندها فرصة تكون عندها انها تحصل واحد يبيها بدل ما تاخذ واحد قلبه وعقله وروحه مع وحدة غيرها انا مني شايفة أي ضحية اذا طلقها بنت العم لسه بنت واذا زعلت يومين مصيرها تحمد الله انها ما خذته زعل يومين ولا عذاب عمر بطوله اصلا هي اول الضحايا اذا دخل عليها بتعيش عمرها معذبة بواحد ما يبيها يا بنات كل شي بالقوة ممكن يجي الا الزواج اساسه الرضا والقبول والأقتناع بالله زواج زي كذا ايش مصيره اذا تم غير التعاسة حبيبتي انا بصراحة بس ابغى اقولك على نقطة مهمة تحفظلك كرامتك قوليله طلقها واذا تبيني جيب اهلك ابدا ابدا ابدا لا تقبلين انك تاخذينه من دون اهله وبعدين اذا طلقها مو على طول يخطبك يستنى شوي عشان لا يدرون انك السبب ويحقدون عليكي ولا يقول لأهله ابدا انه يعرفك شخصيا او يكلمك ابدا ابدا وخليكي جدية معاه وقوليله انت اذا رجال وجاد ولا تبي تستغلني يلا اثبتلي اتعب وحارب الدنيا عشاني ثقي فنفسك وسعدي بحياتك ولا تحتارين وتتعبين خليكي جا دة معاه وصارمة الصرامة لها نتيجة فتاكة فها الأمور خليه يفهم انه مافيله طريق ليكي الا انه يحارب ويجيب اهله وانك عارفة قيمة نفسك ومو عاميكي الحب عن حقوقك واذا يحبك صدقيني راح يجيب قبيلته كلهم عشانك ولو بعد سنة وادعي ان الله ينصرك ويقويكي هاذا رأيي قد يحتمل الصواب او الخطأ والأختلاف فالرأي لا يفسد للود قضية