السلام عليكم ورحمة الله وبركاته

يابنات ابغى نصيحتكم .. بقولكم مشكلتي كاملة ..

لي اسبوع رحت لقسم تجميل في مستوصف وكان نازل عندهم جهاز لكشف الشعر .
قلت بجرب اروح واشوف شعري . لان شعري فعلا تعبان بالمرة
المهم رحت وشافت شعري عن طريق الجهاز يوري عن قرب . قالت لي عندك قشرة وزيوت كثيرة في فروة راسك والشعرة تعبانة بالمرة والبصيلات ضعيفة
مافي حيوية بشعري وفي مسامات مفتوحة .
المهم قالت لي انتي يحتاج لك اربع جلسات طبية وبعدها ابدا بالعلاج الطبيعي ..
عن طريق شركة هم متعاملين معاها.
بدات معاها باول جلسة قلت خليني اجرب.
اعطتني شامبو وقطرات حق القشرة وامبولات لعلاج الشعر ..
وهي حطت لي علاج لفروة راسي .
وقالت اجي المرة الجاية علشان الجلسة الثانية.
وقصت اطراف شعري بس قصت كثير على انها راح تعمل لي علاج ويطول شعري بسرعة الله يسامحها .
المهم شفت اني دافعة مبلغ ووصلت يعني. وبعدها ترددت لان اشوف اني اطلع فلوس كذا وحرام على كل جلسة تكون كذا .

بنات ايش نصيحتكم اكمل معاها . والا تكفيني الشامبو اللي عندي والامبولات وقطرات الشعر ؟؟
وبعدها ابدا بنفسي اسوي اشياء طبيعية
واشتري فاشكول .واخذ وصفات طبيعية ثانية؟؟؟؟ والكثيرا .؟
لاني فعلا محتارة ومترددة احس انها تجارة ودفع فلوس كاني جالسة على بنك .

نوعية شعري الفروة دهنية وشعري خفيف ومن النوع الضعيف مو متين .وفي تقصف .يعني يبان عليه ان مافيه حيوية وفي جزء من الشعر الوسط مجعد عن الجذور ز نوعية شعري احسه هش خفيف مرة مافيه ثقل .

لي مدة استخدم فيتامين الحديد وفيتامين حق الشعر .
بنات الله يسعدكم لاتردوني محتاجة لرايكم ..واذا في جدول امشي عليه ياليت تعطوني .
لان فعلا شعري بالمرة في حالة يرثى لها ..

تحياتي .:44: