الله يعطيكم العافيه
ريحتوني
ان شا الله اخبركم وش بيصير
بس انتوا دعواتكم
الصفحة الأخيرة
شوفي يا بنتي تكذبي و تقولي كنا على البلكونة او مدري شو خطأ و ممكن يمسكوها عليكي انك كذبتي.. ليه؟ لانه السباك اكيد خبرهم انه قعد فترة معينة مثلا 10 دقائق او مدري كم بيرجع للمدة اللي جلسها بالبيت و ما اظن انه بيكون بالغ. اما ليه دخل اساسا, العمال اذا كنتي مخبرة عن عطل او في عطل عند جيرانك و اثر عليكي او شكوا انه السبب من بيتك بيجوا يدقوا على الباب و بيستنوا حدا يفتح, مرة و مرتين و ثلاثة, و اذا متفقين مسبقا انه بيقدروا يدخلوا يصلحوا اللي بدهم اياه بدون علمكم عادي, دق و ما فتحوا فكر انه البيت فاضي و دخل.
اما بالنسبة للي راح يجوكي بكره او بعده, اول شي تعمليه اتأكدي انه بيتك يكون نضيف, غرفة اولادك مرتبه و ما في شي خطر بطريقهم. و الثلاجة تكون مليانة اكل, مش لبابها يعني يكون فيها على مقدرتكم الاساسيات, حليب و اغراض سندويشات و فواكه و خضره و بيبي فود و لحوم ان قدتوا و سناكس للاطفال.
هلا لما تيجيكي السوشال وركر, ما تكذبي قولي انه كنتي طالعة من الجامعة و كلمك زوجك و فكر انك اراوند ذا كورنر (يعني تقريبا صرتي عند البيت) فطلع لانه عنده امتحان او درس مهم ما بيقدر يتأخر عليه, على اساس انه يادوب دقيقة و تكوني عند الاولاد النايميين, ما حب يزعجهم و يفيقهم من نومهم و يطلعهم بالبرد, و بس ما تكثري حكي.
المهم اولادك يكونوا نظيفين مرتبين اظافرهم مقلمة, شعرهم مرتب, باين عليهم انه بياكلوا كويس مش ميتين من الجوع, اهم شي النظافة نظافة البيت و نظافة الاولاد و ان شاء الله ما بيحصل شي, بس بتكون العيون عليكم منفجلة و ان تكرر الحدث مرة ثانية يا ويلكم.
بوادي <<< بالنسبة لبنتك, عادي بتقعد باخوانها, الشرطة بما انه اتصلوا عليهم واجب عليهم انه يدخلوا و يتأكدوا انه الاولاد في وضع سليم, يعني ما بتعرفي يكون في حدا داخل لا قدر الله مجرم او مغتصب و اولادك اتصلوا يستنجدوا و هالحدا خوف اولادك و لما وصلوا الشرطة قالوا بالغلط و هو يكون متخبي بالبيسمنت او مدري فين, لهيك فتشوا بيتكم, و برضه سبب ثاني انه بيحصل ناس بتترك اولادها و تاركه معاهم اشياء خطر مثل مسدس او مزرعة حشيش بالبيسمنت و هيك شي... بس في حالتك انا متأكده التفتيش كان لسلامتهم مش اكثر كما هو الحال انه يكون حدا داخل عليهم و هيك شي. <<< مرة زمان والدي اغمى عليه و من خوفنا فكرنا يمكن ستروك و اتصلنا بالشرطة و صياحنا طالع ميتين خوف عليه لكنه فاق قبل ما نكلم الشرطة و لما شافنا على التلفون قال تتصلوش خلاص اوعكم انا منيح, و قلنا هيك للشرطة, بس هم قالوا واجبنا نيجي نتأكد, فلما وصلوا دخلوا و شافونا كثار بسم الله علينا, فحصوا الوالد و عملوا له اي كي جي و خيروه اذا بيحب يروح المستشفى او يضل بالبيت... يعني كله لسلامتكم مش تخويفكم.
اضافة اخيرة <<< لا تستغربوا من الشرطة و اهتمامها, فهي اساسا وضعت لحماية الاطفال, يعني مش خص نص لانكم عرب. و على فكرة في ناس مع هالاوضاع صارت تترك الحيوانات تحبسها بالبيت و تطلع ما ترجع و يموت الحيوان و ما جدا داري عنه, و خوفهم العالم يعملوها باولادهم.. <سبق واحد انتحر قدام عيون اولاده.. الله يحمي اولادكم جميعا.