ضروري افيدوني الله يكتب اجركم

السلام عليكم ورحمة الله
يابنات حواء بكتب لكم محاولاتي بالحمل ومعاناتي على مدار سبع سنين وأتمنى تطمنوني بنصيحه أو تجارب مرت عليكم.أولا عمري حالياً 27 سنه يوم بلغت كان عمري 15 سنه ونزلت دوره ثالث شهر بعد البلوغ دورة ملخبطه طولت لين 21يوم على شكل نزيف رحت بعدها لدكتورة عطتني فيتامين وماادري ايش المهم كنت ثانويه وظروفنا تاعبه وماعندي خلفيه أن الدوره لازم علاج لها اهملت نفسي واستمرت دورتي تنزل الخمس الايام الأولى خفيفة ثم بعدها على شكل نزيف وتطول لحدود شهر عانيت سنتين ونصف تقريباً ورحمني ربي وغابت وصارت تنزل شهر وشهرين لا وخمس ايام ونزول خفيف وتنقطع فرحت وقتها سنه ونص على هذا الحال وتزوجت ومازالت هكذا متاخره وتاتي خفيفة وكل مره تتاخر أكثر تنزل على اربعه أشهر واحيانا خمسة أشهر او بعلاج تصرفه لي دكتوره سويت فحوصات هرمونات وعندي هرمون المسؤل عن التبويض منخفض وكمان تكيس مبايض خفيف صرفو لي منظم 3 أشهر فكانت تنتضم وقت الحبوب وبعدها تتاخر زي اول وكررو لي المنضم مرتين وثلاث واربع وكثيير وكل دكتورة اروح لها تصرف لي منظم وفيتامينات ولافي فائده راحو التكيسات الحمدلله
فدخلنا موضوع الحمل استخدم منظم وبعدين يصرفو لي منشطات قوة 10000ابر تفجير حمض الفوليك اتابع التبويض تخرج بيوضه او بيوضتين أتابع التبويض وفجأة آخر الشهر مافيه حمل والبيوضه صارت كيس كل محاولاتي نفس النتيجة يطلع كيس وأرجع اتعب واستخدم علاج وانزل الكيس
زوجي فحوصاته كلها كويسه وانا يقولو ضعف تبويض والرحم كمان منحني للوراء
استخدمت تمر وحب الرشاد
وخلطة العسل البلدي
كمان السمسم والقرنفل شربت البردقوش والمراميه رحت لاكثر من ممرخه رحت لشيخ تابعت بالرقيه
بعدين نويت ماعد اتابع مع دكتورة شديت الهمه وقلت مالي الا أنا ابدا وقررت أقرأ سورة البقرة كل يوم على ماء واشرب الماء طول اليوم رقيت على عسل وكنت استخدمه ب إبرة لداخل الرحم ويوم استخدمته بنفس اللحظه جاني وجع قوي ومغص زي الدوره بالضبط وفخذي الايمن استمر لمده ساعه واختفى وسويت بعدها تقريباً أسبوع العسل المرقي ماعد تكرر الالم كمان أقرأ اذكار صباح ومساء واشغل رقيه في البيت والتحقت بحلقه قرانيه لمدة 3 أشهر نزلت الدوره شهر بعد شهر بنفسها وبدون علاج وبعدين وقفت وجاني احباط ورجعت لدكتورة قالت نسوي الصبغه سويتها كل شي سليم ماعدا عنق الرحم وسيعه قالت إذا قدر الله وحملتي بنضطر نربط لك بالشهر السابع
المهم الدوره تأخرت وطلع عندي كمان قرحة بعنق الرحم اخذت فحص منها وطلع التهاب شديد بعنق الرحم قالت تفعل لي كاويه خفت وماسويتها استخدمت عسل وقشر رمان وراحت القرحه وجلست اربعه أشهر مانزلت الدوره رجعت لدكتور ثاني سويت فحوصات هرمونات كامله وقال كل شي سليم ومخزون التبويض جيد صرف لي منزل دوره وقال ارجع ثالث الدوره رجعت شاف الرحم معصور قوي قال لا اروح عند ممرخه خالص وقصرني من الرز والدجاج الخبز الابيض السكريات البفك الاندومي وكل شي وصرف لي منشطات من خامس الدوره ورجعت 11 الدوله قال في بيوضه تمام وبيوضه صغيرة عطاني ابرة تفجير قوة 5000 الف وتابعت بعد الابره كان حجم البيوضه 22 وبعدها بيوم حجمها 33 قال هذا كيس وليست بيوضه استخدمت دفاستون ونزلت الدوره ورجعت للدكتور ثالث الدوره شاف الكيس مكانه بالمبيض مانزل مع الدوره عطاني حبوب ديان 35 وقال لاعد تستخدمي منشطات خالص قلت له وايش البديل للمنشطات قال تجلسي بالبيت وتصبري وأن شاء الله ينزل الكيس مع الدوره الشهر الجاي ارجعي لي ثالث الدوره وحاليا يابنات أنا ثاني يوم الدورة ونفسيتي تحت الصفر ولاعارفه وش افعل ايش الحل اشتي اطفال والدكتور حطمني بكلامه واحس مالي نصيب بالاطفال تكفووووون ردو عليا وطمنوني الله يجزاكم خير واسفه طوولت بكلامي عليكم