ضروري السوق

السلام عليكم
تقبل الله منا ومنكم الصيام والدعاء وباقي الاعمال واعانتا الله على ماتبقى
يابنات بالله ردوا لي هذاني لي شهرين ماطلعت برا البيت ابدا ابدا حتى اغراض المطبخ توصيل واعقمها عند باب الشقه يعني محتاطه جدا والله يكفينا ويبعد عنا كل شر
الحين زوجي طلع له تصريح نسافر من الرياض لهجره مافيها اسواق وبعيده واولادي وبنتي ماعندهم ملابس والله ولدي الكبير بناطيله قصيره جدا ولابجايم تقطعت وكمان بنتي ام شهور بدت تكبر وتضيق عليها وانا تعمدت مااشتري لحتى يستهلكون اللي معهم قلت اقضي للصيفيه مره واحده وجانا كورونا وقلت دامنا في الحظر خلاص يكملون باللي معهم دامنا مانروح ولانجي لكن الحين مسافرين وخاايفه جدا من السوق والتوصيل بيتأخر ولاقد شريت منهم ملابس مااعرف المقاسات المهم عزمت اني البس كمام وقلفز واروح وتو سمعت قصة اللي انعدت من السوق وتوفت وكنسلت 😫😫😫 خايفه اندم وخايفه ماعندي شي عيالي الا انا عندي بالله هل السوق آمن واللي نزلت وين اللي مافيه زحمه في الرياض وهل الوضع حقيقي مخيف والا لا ارشدووني الله يسعدكم