ضروري الكل يدخل عطوني حل الله يوفقكم

يابنات ابغى كل من يدخل موضوعي يحتسب الاجر بالدعاء لي نفسيتي تعبانه ودايما اهلي متخاصمين واموري متعسره من زواج ووظيفه والله ما احس بالسعاده واتمنى المووووت لكن املي بالله كبير بان يرحم حالي ويفرج كربتي ويفك ضيقتي .تكفوون ادعولي ولو وحده منكم تتذكرني بصلاتها وتعتبرها كصدقه لوجه الله ومن فرج كربه لاخيه المسلم فرج الله عليه كربه من كرب يوم القيامه تكفوووووووون ادعولي لعل منكم احد دعوته مستجاااااااابه .
والله ان قصتي تبكي لها العين ما اقدر اذكرها الحين بس ادعولي بالسعاده وباستجااابه دعواتي وادعوا لاهلي
نفسيتنا تعبت من المشاكل والله تعبت انا واختي نفسيا وصارت تجينا ضيقه واحاول اصبرها .والله اني ارحمها لسى صغيره على الضيقه واتمنى انها فيني ولا فيها لاني جربتها لكن ربي كريم ورحيم ماراح يتركنا .وحتى كل ما انخطب ما احس بفرحه وتجيني ضيقه والاهل نفس الشي ويتم الرفض على طووووول تعبت من الي فيني والهم ودائما احلم اني حامل واعرف انه هم لكن ادعولي بالفرج ابغى استقرار يابنات والله ما ابغى الدلع ولا شي بس تعبت نفسيتي
من اهلي ومشاكلهم والله العظيم ابغى اقوووم من النوم مرتاحه نفسيا وربي اكتب لكم وانا ابكي تكفوون ادعوا لنا يمكن اهلي فيهم حسد او شي مدري الموهم انا مو مبسوطين رغم انا محافظين في صلاتنا وحتى الوتر مانخليها
لكن يابنات حتى امي ماهي حنونه علينا وعصبيه والله ما ابغى غير الراحه النفسيه ما ابغى المشاكل ابغى السعاده ترجع لبيتنا وابغى التوفيق بحياتي يعلم الله ماعمري ظلمت احد واني طيبه لابعد الحدود واخاف الله بس مدري ليش
متعسره اموري واتحسس من كلام اخواني لاني طولت ماتزوجت ويقعدون يضحكون على .رغم اني حلوه بس افقدوني ثقتي بنفسي وصرت اكره نفسي واهملت نفسي رغم الي يشوفني يقول هذي واثقه من نفسها وعلى فكره ابوي شكاك مره ومايخليني اطلع لاحد من جيرانا رغم انهم في عمري لسى صغار في العشرينات وانا اطفش
ويوم زرت وحده فيهم بدوون امي جلس يخاصمني ويقول على كلام مو فيني ويقول الله يستر عليك بس تخيلوا
يعاملني كاني وحده مراهقه وهو يعرف اني اكثر وحده عاقله في البيت والله ماعمري سويت شي غلط يخليه يشك فيني بس كذا الشيطان يوسوس له .تعبت من افكارهم الغريبه ومن مشاكلهم واني عشان ماتزوجت اقعد اسيره في البيت عشان ترتاح نفسيتهم والمشكله مو موفرين الجووو الاسري المريح لنا نقووم على اصواتهم وخوووف
صرت اكرهم والله غصب عني اتعبوا نفسيتنا وعيشونا بعيشه ضنك وامي غيوره مره ذبحتنا بغيرتها وافكارها الغريبه
تعبت والله تعبت الله يخليكم ادعوالي ربي يفرج همي .