السلام عليكم ورحمة الله وبركاته وكل عام وانتي بخير والله يشفي بنتج انشاء الله ...... واذا كان الالتهاب مكانه فيها .... لانه اكيد بيكون فيها التهابات فطريه ... كانت بنتي جذيه وعطتني الدكتوره كريمين والحمدالله على طول راح ... واحد اسمه اويتمنت والثاني دكتارين ..... :26:

كل عام وانتوا بخير بأحلى خوات.. عيدكم مبارك والله يعوده علينا وعليكم بالخير والبركة ان شالله..

مشكورة أختي ام عبد الرحمن ام تهاني عالرد اللي يفرح القلب.. تدرين أنا دشيت النت وشفت ردج وماشفت باقي الردود.. وبسرعة طلعت وبعدين وأنا أغير لبنتي الحفاظ قلت بجرب النشا مثل ماقلتي.. مع اني قريته قبل بس ما أذكر لشو بالضبط.. المهم من البارحة لليوم مع كل تبديل أحطلها والحمدلله الاحمرار على وشك انها تختفي ويزاج الله خير على تذكيري بالنشا.. من النتيجة الحلوة اللي شفتها خبرت الوالدة وزوجي وخواتي بعد عشان يسوون لعيالهم.. فعلا رائع .. والله يعطيج ألف عافية ويبارك فيج وألف ألف شكر لج عزيزتي..


هلا أختي انين الجراح ومشكورة الغالية عالرد.. أنا عندي كيناكومب وكنت أستخدملها اياه بس مب الاحمرار اللي سببه الاسهال لاااااا.. لتغيير نوع الحفاظ.. بس لأنه كورتيزون قلت بسألكم قبل.. فعلا رائع بس نتبهي منه مب دايما.. والأفضل الوحدة تستخدمه بستشارة الدكتورة.. عالعموم الغالية مشكورة وماقصرتي..

شكرا عزيزتي التوت الزاكي عالرد السريع.. فعلا لاحظت الفازلين يرطب المنطقة ومايفيد بهالحالة.. الكيناكومب رديت عليه بردي السابق.. بس تصدقين الشمس مايت على بالي!! لأنه أصلا ماتطلع دايما ألحين.. عالعموم يزاج الله خير عالرد والله يسلمج ويعطيج العافية..


هلا أختي موف.. والله تصدقين مافتكرت وانا مارة للصيدلية الا لمن رجعت البيت ومن جربت خلطة الفازلين اللي عندي الحمدلله اعتدلت شوي.. هو فعلا يرطب لاكن للي مثل حالتها لازم شي ينشف المنطقة.. وعلشان جيه أنا سألتكم.. والوقت كان متأخر.. عن سالفة كريم سودو.. أختي مخبرتني من زمان عن كريم ودايما تقولي زين ووايد حلو ومن الأعشاب ومادري شو!! المهم هالمرة عاد سألتها عنه وحاولت تتذكر أسمه ماقدرت وقالتلي بسير الصيدلية وبشوفه وبتخبرني عنه.. لأنها بعد تبقي تاخذه لولدها.. المهم وهي بالصيدلية والا تتذكر أسمه وبعدين خبرتني انه اسمه سودو قلتلها أنا قارتنه بالمنتدى بس ما أدري انه هو نفسه الا تقصده هي.. خلاص ألحين بقول لزوجي ياخذلها منه.. وان شالله خير.. وألف شكر لج عزيزتي.. وبعد بقوله ياخذ سائل نونو.. لأني أستخدم سيباميد مع انه حلو بس مشكلته يذوب لما أحطه بالعلبة الخاصة بالصابون.. كلج ذوق أختي والله يعطيج العافية..

هلا أختي &ليمووونه&.. ماقصرتي عالرد وفعلا سودو الكل يمدحة وان شالله باخذه.. وخلاص برمي السيباميد هذا.. وماتشوف شربنتج.. والله يعطيج العافية عزيزتي..


شكرا أختي UmMaryam عالرد.. وفعلا من جربت النشا لاحظت الفرق.. وكلج ذوق عزيزتي..


ماتقصرين أختي أم تيماء عالرد المدعم بالصور.. ان شالله باخذ سودو وان شالله خير..

هلا أختي وردة حلوة.. مشكورة الغالية عالرد.. بالنسبة للعايدين أو الآيدين أعتقد ينفع اذا كان فيه تسلخات.. حاليا هي بس احمرار بس الحمدلله خف من استخدمت النشا.. جربيه وان شالله يفيد بنتج وماتشوف شر الغالية..


الله يخليج أختي lawsi ومشكورة عالرد.. فعلا جربته رائع الصراحة وماتوقعت نتايجة بتكون بهالسرعة و الحمدلله الفضل لله ومن ثم أم عبدالحمن والخوات بعد ماقصروا.. والله يعطيج العافية ويخليلج عيالج وتفرحين فيهم يارب..

هلا والله براس المعزّة.. هههههههههههه ذكرت هاذيك السالفة!! فعلا من أقرا أسمج أتذكر ههههههه!!
صدق فايح هالأيام من تأثيرات الحمى ومن البرد بعد.. الله يعينهم والله.. وماتشوف شر بنتج فديتها.. ومشكورة الغالية عالرد..