ضروري الله يسعدك اللي تعرف تفيديني

السلام عليكم ورحمة الله وبركاته


اخواتي انا في هم مايعلمه الا ربي سبحانه


امس بالليل كنت زايرة اهل زوجي وجت اخت زوجي معها ابريق فيه مغلي بقدونس تقول ينحف وشربت معها


وبعد مارجعت بيتي بدا يجيني مغص خفيف وتجاهلته ونمت ، ومن قمت ماشفت العافية مغص يقطعني تقطيع كانه طلق ،، وانا باقي على دورتي ٣ ايام شكيت اني حامل وسويت تحليلين منزليه وكلها طلعت ايجابية
قريت بقوقل ان البقدونس يسبب اجهاض ويسبب تقلصات
اخذت بنادول وحاولت استرخي بس الالم مازال موجود
زبدة الكلام اني رحت الطوارىء وبعد التحاليل والسونار سوو لي سونار داخلي وخارجي شكو انه حمل خارج الرحم 😭😭😭


وانا توي عمر الحمل اسبوعين مالقت كيس ولا جنين ولا شي بس تحليل الدم اثبت انه فيه حمل
طلبوني تنويم بس طلعت على مسؤليتي لاني ماستعديت نفسيا ولا رتبت وضعي وعيالي مخليتهم بالبيت


سؤالي هل ممكن يبدا مغص حمل خارج الرحم من عمر اسبوعين !!
الجنين نقطه صغير جدا جدا اللي اعرفه مايبدا الالم الا بالاسبوع الرابع الخامس السادس انا توي اسبوعين
واذا ماكان حمل خارج الرحم وش ممكن يكون سبب الالم اللي احس فيه ( نسيت اقولكم عطوني مسكن بالوريد ) ومازال الالم خف بس ماراح


الله يسعدها سعادة الدارين اللي تفيدني ومن قد صار لها مثلي ؟؟