ضروري تدخلون خطيبة ولد اختي

السلام عليكم كيفكم بنات بدخل في الموضوع ع طول اختي خطبت لولدها بنت جيرانهم

الام انسانة اخلاق واجتماعية مرة حبيبة والاب كذلك وعيالهم اصدقاء من الطفولة والبنات بعد صديقات وبنتهم تجنن مؤدبة واخلاق وجمال ماشاء الله هم جيران من اكثر من خمسطعشر سنة المهم اختي كلمت الام ووافقوا ع الخطبة لكن مابعد صارت رسمية

بس رحبوا فيهم بقوة وفرحوا انهم خطبوا عندهم وان جيرتهم بتصير نسب وكذا لكن مااعلنوا الخطبة قالوا لين نتقدم رسمي محد يدري عن شي

المهم يابنات اختي نقلت بنتها مدرسة ثانية وبالصدفة تعرفت ع بنت طلعت صديقة بنت جيرانهم ومع الايام مع ان البنت اقصد صديقة بنت جيرانهم ماتدري انهم خاطبينها ولا شي قالت البنت بزلة لسان ان فلانة اللي اختي خاطبتها لولدها طلعت تكلم واحد وبينهم علاقة بنت اختي انصدمت وعلمت امها فاختي منصدمة مرة تقول مدري شسوي مابي اخرب علاقتي بجارتي ولا اقدر اقول لزوجي بنفسخ الخطبة بيقول وش السبب مابي اخرب سمعة البنت والا اسبب لها مشاكل مع اهلها يمكن اهدم بيتهم اكيد بتصير مشكلة كبيرة لو علمتهم وولد اختي صديق ولدهم الروح بالروح اختي مرة محتارة تقول مااقدر بعد اغش ولدي واسكت

وابي منكم ياصاحبات الراي السديد ترشدونها وهي بتقراء رسايلكم